MNP ၊ နိုဝင်ဘာ ၂၈
မန္တလေးတိုင်းဒေသကြီး၊ စဉ့်ကူးမြို့တွင် ၂၀၂၂-၂၀၂၃ ပညာသင်နှစ်၊ မြို့နယ်အဆင့် လူရည်ချွန် ရွေးချယ်ရေး စာမေးပွဲကို ယနေ့နံနက်ပိုင်းက စဉ့်ကူးမြို့ အခြေခံပညာအထက်တန်းကျောင်းတွင် ကျင်းပရာ မြို့နယ်ပညာရေးမှူး ဒေါ်သန္တာအောင် နှင့် ဒုတိယမြို့နယ်ပညာရေးမှူး၊ ကြီးကြပ်ရေးမှူး ဆရာ၊ ဆရာမကြီးများက အနီးကပ်ကြီးကြပ် ဆောင်ရွက်လျက်ရှိသည်။
အဆိုပါ လူရည်ချွန်ရွေးချယ်ရေး စာမေးပွဲတွင် မြို့နယ်အတွင်းရှိ အခြေခံပညာအထက်တန်းကျောင်းနှင့် အလယ်တန်းကျောင်းများမှ Grade-9 ၃၅ ဦး၊ Grade-10 ၁၄ ဦး၊ Grade-11 ၁၄ ဦး စုစုပေါင်း ကျောင်းသား၊ ကျောင်းသူ ၆၃ ဦးတို့သည် ယနေ့တွင် မြန်မာစာနှင့် အင်္ဂလိပ်စာဘာသာရပ်အား ဝင်ရောက်ဖြေဆိုလျက်ရှိပြီး နိုဝင်ဘာ(၂၉)ရက်နေ့တွင် အထွေထွေဗဟုသုတနှင့် လူတွေ့စစ်ဆေးမှု အားလည်းကောင်း၊ နိုဝင်ဘာ(၃၀)ရက်နေ့တွင် ကိုယ်ကာယကြံ့ခိုင်မှုနှင့် ယုံကြည်မှုစစ်ဆေးခြင်း တို့အားလည်းကောင်း ဆက်လက် ဖြေဆိုသွားရမည်ဖြစ်ကြောင်း မြို့နယ်ပညာရေးမှူး ထံမှ သိရသည်။
တင်ဇာလွင်
https://t.me/MyanmarNationalPost
No comments:
Post a Comment