MNP - နိုဝင်ဘာ ၁၇
၂၀၂၂ခုနှစ်၊ နိုဝင်ဘာလ (၁၇) ရက်နေ့၊ တန်ဆောင်မုန်းလပြည့်ကျော် ၁၀ ရက်နေ့တွင် ကျရောက်မည့် (၁၀၂) နှစ်မြောက် အမျိုးသားအောင်ပွဲနေ့ အထိမ်းအမှတ် အသိပညာပေး ဟောပြောပွဲနှင့် စာအုပ်ပြပွဲကို ယမန်နေ့မွန်းလွဲ (၃) နာရီအချိန်က မကွေးမြို့၊ အခြေခံပညာ အထက်တန်းကျောင်း(ခွဲ) ကန်သာကျောင်းတွင် ကျင်းပပြုလုပ်ခဲ့ကြောင်း သိရသည်။
အခမ်းအနားတွင် မကွေးခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ဦးစီးအရာရှိ ဒေါ်ခင်ဝင်းသိန်းက ကျောင်းသား/သူများအား အမျိုးသားအောင်ပွဲနေ့ဖြစ်ပေါ်လာပုံ သမိုင်း ကြောင်းများ၊ လူငယ်များ စာပေဖတ်ရှုခြင်းဖြင့် ရရှိလာမည့် အကျိုးကျေးဇူးများ ရှင်းလင်း ပြောကြားခဲ့သည်။
ထို့နောက် မကွေးခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ဝန်ထမ်းများက သုတ၊ ရသစာအုပ်များကို ခင်းကျင်းပြပသရာ ကျောင်းသား/သူများက စာပေဖတ်ရှုလေ့လာပြီး ခရိုင် ပြည်သူ့စာကြည့်တိုက်တွင် စာအုပ်များဖတ်ရှုငှားရမ်းနိုင်ရေး အသင်းဝင်ကတ်များ ပြုလုပ်ပေး ခဲ့ကြသည်။
ယင်းနောက် ကျောင်းသား/သူများအား (၁၀၂) နှစ်မြောက် အမျိုးသားအောင်ပွဲနေ့ အထိမ်း အမှတ် လက်ကမ်းစာစောင်များကို ဖြန့်ဝေပေးခဲ့ကြောင်း သိရသည်။
သတင်း - ကိုအောင်
မြန်မာနေရှင်နယ်ပို့စ်
No comments:
Post a Comment