MNP ၊ နိုဝင်ဘာ ၂၅
မွန်ပြည်နယ်၊ သထုံခရိုင်၊ ပေါင်မြို့နယ်တွင် မြို့နယ်ကလေးသူငယ် အခွင့်အရေးများဆိုင်ရာကော်မတီ အစည်းအဝေးကို နိုဝင်ဘာ၂၄ ရက်နေ့နံနက်၉နာရီအချိန်၌ မြို့နယ်အထွေထွေအုပ်ချုပ်ရေးဦးစီးဌာန အစည်းအဝေးခန်းမတွင် ကျင်းပပြုလုပ်ခဲ့သည်။
အစည်းအဝေးတွင်မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးထင်လင်းအောင်က အဖွင့်အမှာစကားပြောကြားပြီး သထုံခရိုင် လူမှုဝန်ထမ်းဦးစီးဌာနမှ case manager ဒေါ်ဖြူစင်ဖွေး က ကလေးသူငယ်အခွင့်အရေးများဆိုင်ရာနှင့် ပတ်သက်၍ ရည်ရွယ်ချက်၊ (၁)အသက်ရှင်သန်ခွင့် (၂)ဖွံ့ဖြိုးတိုးတက်ခွင့် (၃)ကာကွယ်စောင့်ရှောက်ခွင့် ( ၄)ပါဝင်ဆောင်ရွက်ခွင့်၊ အားသားချက်/ အားနည်းချက် စသည့်အကြောင်းအရာများကို Power Point ဖြင့်အကျယ် တစ်ဝန်းရှင်းလင်းပြသခဲ့ပါသည်။
ဆက်လက်၍ သထုံခရိုင်လူမှုဝန်ထမ်းဦးစီးဌာနမှ လက်ထောက်ညွှန်ကြားရေးမှူး ဒေါ်ခင်မိုးမိုးက ကလေးသူငယ်အခွင့်အရေးဆိုင်ရာနှင့် ပတ်သက်သည့် အကြောင်းအရာများကို ထပ်မံရှင်းလင်းပြီး မိမိသိရှိလိုသည့် မေးခွန်းအကြောင်းအရာဖြစ်စဉ်များကို သက်ဆိုင်ရာဌာနဆိုင်ရာများက အပြန်အလှန်ဆွေးနွေးခဲ့ ကြသည်။
အဆိုပါအစည်းအဝေးခန်းမသို့ မြို့နယ်ဌာနဆိုင်ရာများ၊ မိခင်နှင့် ကလေးစောင့်ရှောက်ရေးအသင်း၊ NGO အဖွဲ့အစည်းများက တက်ရောက်ခဲ့ကြကြောင်း သိရသည်။
https://t.me/MyanmarNationalPost
No comments:
Post a Comment