MNP - နိုဝင်ဘာ ၂၇
မကွေးတိုင်းဒေသကြီး၊ချောက်ခရိုင်၊ချောက်မြို့နယ် သွေးနက်ကျေးရွာအုပ်စု၊ရေတွင်းချိုင့်ကျေးရွာတွင် အလှူရှင်များနှင့်ကျေးရွာသူ/သားများ စုပေါင်း၍ ရွာဦးဘုန်းတော်ကြီးကျောင်းအဆင်းမှ ရွာထိပ်အဝင်လမ်းအထိ ကွန်ကရစ်လမ်းခင်းခြင်းလုပ်ငန်းကို ကိုယ်အားကိုယ်ကိုးဖြင့် ဆောင်ရွက်လျက်ရှိကြောင်းသိရသည်။
အဆိုကျေးရွာသည် မိုးတွင်းကာလရောက်သည်နှင့် ချောင်းချောက်များဖြစ်ပေါ်ခြင်း၊ရွံနွံများဖြင့် သွားလာရေးခက်ခဲလျက်ရှိရာ သွားလာရေးအဆင်ပြေစေရန်အတွက် ရေတွင်းချိုင့်ဘုန်းကြီးကျောင်း ဆရာတော်ဦးဇောတိက ဦးဆောင်၍ ဘိလပ်မြေအိတ်မတည် အလှူရှင်များ၊ သဲ၊ ကျောက်အလှူရှင်များနှင့် ကျေးရွာသူ/သားများ၏ လုပ်အားဖြင့် ကိုယ်အားကိုယ်ကိုးစုပေါင်း၍ ကွန်ကရစ်လမ်းခင်းခြင်းလုပ်ငန်းကို နိုဝင် ဘာ ၉ ရက်နေ့က စတင်ကာ အလှူ ရှင်များ၏ လှူဒါန်းမှု အပေါ်မူတည်၍ ဆောင်ရွက်လျက်ရှိကြောင်းသိရသည်။
အဆိုပါ ရွာအဝင်လမ်းမှာ အရှည်၃၆၀ပေရှိပြီး လမ်းအား အကျယ်၁၀ပေ၊ ထု၆လက်မရှိသည့် ကွန်ကရစ်လမ်းခင်းခြင်းလုပ်ငန်း ဆောင်ရွက်လျက်ရှိရာ လမ်း အရှည်၁၂၀ပေအားကွန်ကရစ်လမ်းခင်းခြင်းလုပ်ငန်း ဆောင်ရွက်ပြီးစီးပြီကြောင်း သိရသည်။ ကျန်ရှိနေသောလမ်းအရှည်အတွက် ဘိလပ်မြေအိတ်များ လိုအပ်လျက်ရှိသည့်အတွက် အလှူရှင်များ လှူဒါန်းမှုအပေါ်မူတည်၍ ဆက်လက်ဆောင်ရွက်သွားမည်ဖြစ်ကြောင်း ကျေးရွာမှ ဦးဆောင်ဆောင်ရွက်နေသူ ဒေါ်လှမိုး ၏ ပြောကြားချက်အရ သိရသည်။
မြန်မာနေရှင်နယ်ပို့စ်
No comments:
Post a Comment