MNP - နိုဝင်ဘာ ၂၅
ရန်ကုန်တိုင်းဒေသကြီး၊ တွံတေးခရိုင်၊ ဆိပ်ကြီးခနောင်တိုမြို့နယ်၌ မြို့နယ်နေပြည်သူများ သွားလာမှုလမ်းပန်းဆက်သွယ်ရေး လွယ်ကူကောင်းမွန်စေရေး၊ ရေစီးရေလာများ ကောင်းမွန်စေရေးစသည့် မြို့အင်္ဂါရပ်နှင့်အညီဖြစ်စေရေးအတွက် (၂၀၂၂-၂၀၂၃)ဘဏ္ဍာရေးနှစ်အတွင်း အကောင်အထည်ဖော် ဆောင်ရွက်လျက်ရှိသည့် လုပ်ငန်းများနှင့် လာမည့်(၂၀၂၃-၂၀၂၄) ဘဏ္ဍာရေးနှစ်တွင် ဆက်လက်ဆောင်ရွက်မည့် လျာထားလုပ်ငန်းနေရာများအား မြို့နယ်စီမံအုပ်ချုပ်ရေးအဖွဲ့မှ ယမန်နေ့နံနက် ၁၀ နာရီက လိုက်လံကြည့်ရှုစစ်ဆေးခဲ့ကြောင်း သိရသည်။
ထိုသို့ စစ်ဆေးရာတွင် ဆိပ်ကြီးခနောင်တိုမြို့နယ် စီမံအုပ်ချုပ်ရေးအဖွဲ့ဥက္ကဋ္ဌ ဦးမြင့်လှိုင် ဦးဆောင်၍ စီမံအုပ်ချုပ်ရေးအဖွဲ့ဝင်များ၊ မြို့နယ်အဆင့်တည်ဆောက်ရေးလုပ်ငန်းကော်မတီဝင် ဌာနဆိုင်ရာတာဝန်ရှိသူများက မြို့နယ်ရပ်ကွက်များအလိုက် (၂၀၂၂-၂၀၂၃)ဘဏ္ဍာရေးနှစ်အတွင်း ဆောင်ရွက်လျက်ရှိသည့် ကွန်ကရစ်လမ်းခင်းခြင်းနှင့် အဆင့်မြှင့်တင်ခြင်းလုပ်ငန်းများ၊ ရေစီးရေလာကောင်း မွန်စေရေးတို့အတွက် ဆောင်ရွက်လျက်ရှိသည့် လုပ်ငန်းနေရာများနှင့် လာမည့်(၂၀၂၃-၂၀၂၄) ဘဏ္ဍာရေးနှစ်တွင် ဆက်လက်အကောင်အထည်ဖော်ဆောင်ရွက်မည့် လျာထားလုပ်ငန်းနေရာများအား ကြည့်ရှုစစ်ဆေးရာ သက်ဆိုင်ရာဌာနဆိုင်ရာ လုပ်ငန်းတာဝန်ခံများက မိမိတို့ဆောင်ရွက်လျက်ရှိသည့် တည်ဆောက်ရေးလုပ်ငန်းများအလိုက် လိုက်လံရှင်းလင်းပြသခဲ့ရာ တာဝန်ရှိသူများက လုပ်ငန်းများအချိန်မီပြီးစီးရေး၊ အရည်အသွေးကောင်းမွန်စေရေးနှင့် လိုအပ်သည်များကို ပေါင်းစပ်ညှိနှိုင်းစစ်ဆေးဆောင်ရွက်ပေးခဲ့ကြောင်း သိရသည်။
သတင်း - ဝေယံ
မြန်မာနေရှင်နယ်ပို့စ်
No comments:
Post a Comment