MNP - နိုဝင်ဘာ ၂၁
ရှမ်းပြည်နယ်(မြောက်ပိုင်း)၊ ကျောက်မဲခရိုင်၊ သီပေါမြို့နယ်တွင် ကျောင်းသား၊ ကျောင်းသူ အနာဂတ်လူငယ်များ ဉာဏ်ရည်ဉာဏ်သွေး ထက်မြက်စေရန်၊ ဗလငါးတန်ဖွံ့ဖြိုးတိုးတက်စေရန်၊ ဘက်စုံထူးချွန်ထက်မြက်လာစေရန် ရည်ရွယ်၍ ယမန်နေ့နံနက် (၉) နာရီက အမှတ်(၃) အခြေခံပညာအထက်တန်းကျောင်း၌ မြို့နယ်အဆင့် အထက်တန်းနှင့် အလယ်တန်းအဆင့် သင်္ချာစွမ်းရည်ပြိုင်ပွဲကျင်းပခဲ့ကြောင်း သိရသည်။
အဆိုပါ ပြိုင်ပွဲတွင် အလယ်တန်းအဆင့် ကျောင်းသား၊ကျောင်းသူ(၃၆)ဦးနှင့် အထက်တန်းအဆင့် ကျောင်းသား/ကျောင်းသူ(၂၃)ဦး စုစုပေါင်း (၅၉)ဦးတို့က သင်္ချာစွမ်းရည်ပြိုင်ပွဲကို ရေးဖြေနှင့်နှုတ်ဖြေ အခန်း(၂) ခန်းခွဲ၍ ဝင်ရောက်ယှဉ်ပြိုင်ခဲ့ကြကြောင်းနှင့် ပြိုင်ပွဲအသီးသီးတွင် ဆုရရှိသော ကျောင်းသား၊ ကျောင်းသူများမှ ခရိုင်အဆင့်၊ ပြည်နယ်အဆင့် ပြိုင်ပွဲများ ဆက်လက်ယှဉ်ပြိုင်သွားကြရမည်ဖြစ်ကြောင်း သိရသည်။
သတင်း - ခင်လေး
မြန်မာနေရှင်နယ်ပို့စ်
No comments:
Post a Comment