MNP - နိုဝင်ဘာ ၂၄
ရှမ်းပြည်နယ်(အရှေ့ပိုင်း)၊ မိုင်းဆတ်ခရိုင်၊ မိုင်းခုတ်မြို့၊ အမှတ်(၂)ရပ်ကွက်ရှိ မြို့မတပ်ဦးကျောင်း၌ တည်ထားလျက်ရှိသော အောင်သိဒ္ဓိစေတီတော်မြတ်ကြီး ထီးတော်တင်လှူပူဇော်ပွဲအထိမ်းအမှတ် အမျိုးသား(အလွတ်တန်း)ပိုက်ကျော်ခြင်းပြိုင်ပွဲကို ယမန်နေ့မွန်းလွဲ ၃ နာရီက မြို့အားကစားကွင်း၌ ကျင်းပပြုလုပ်ခဲ့ကြောင်း သိရသည်။
အဆိုပါ အမျိုးသား(အလွတ်တန်း)ပိုက်ကျော်ခြင်းပြိုင်ပွဲကို မိုင်းခုတ်မြို့မှ အားကစားဝါသနာရှင် (၁၀)သင်း ပါဝင်ယှဉ်ပြိုင်သွားမည်ဖြစ်ပြီး တစ်သင်းလျှင်(၃)ဦးနှုန်းဖြင့် အုပ်စု(၂)အုပ်စုခွဲ၍ ကျင်းပလျက်ရှိကြောင်း သိရသည်။ ဗိုလ်လုပွဲကို အောင်သိဒ္ဓိစေတီတော်မြတ်ကြီး ထီးတော်တင်လှူမည့် ဒီဇင်ဘာ ၇ ရက်နေ့တွင် ကျင်းပသွားမည်ဖြစ်ပြီး ပထမဆုကို ငွေကျပ်(၁၂၀၀၀၀)၊ ဒုတိယဆုကို ငွေကျပ်(၉၀၀၀၀)နှင့် တတိယဆုကို ငွေကျပ်(၅၀၀၀၀) ပေးအပ်ချီးမြှင့်သွားမည်ဖြစ်ကြောင်း ပြိုင်ပွဲကျင်းပရေးကော်မတီထံမှ သိရသည်။
သတင်း - ယဉ်ယဉ်ဝင်း
မြန်မာနေရှင်နယ်ပို့စ်
No comments:
Post a Comment