MNP - နိုဝင်ဘာ ၁၆
ကရင်ပြည်နယ်၊ ဘားအံခရိုင်၊ လှိုင်းဘွဲမြို့နယ် အမှတ်(၁)အခြေခံပညာမူလတန်း(လွန်)ကျောင်း၌ ကျောင်းသား၊ကျောင်းသူများ တစ်ကိုယ်ရည် သန့်ရှင်း၊ ကျန်းမာစေရန်အတွက် ကျောင်းကျန်းမာရေးအဖွဲ့မှ ယနေ့နံနက် (၁၀:၃၀)နာရီအချိန်တွင် ကွင်းဆင်းဆောင်ရွက်ခဲ့ကြောင်း သိရသည်။
အဆိုပါ ကွင်းဆင်းဆောင်ရွက်ရာတွင် Grade -1, Grade -2, Grade -3, Grade -4 တို့မှ ကျောင်းသား၊ ကျောင်းသူများအား သွားပိုးစားခြင်းရှိ/မရှိ စစ်ဆေးခြင်း၊ မျက်လုံးအားနည်းခြင်းရှိ/မရှိစစ်ဆေးခြင်း၊ သံဓာတ်အားနည်းသူများအား သံဓာတ်အားဆေးတိုက်ကျွေးခြင်းများ ဆောင် ရွက်ပြီး ကျောင်းကျန်းမာရေးအဖွဲ့ခေါင်းဆောင်မှ ကျောင်းသား၊ကျောင်းသူများအနေဖြင့် တစ်နေ့လျှင်အနည်းဆုံး သွား (၂)ကြိမ်ခန့်တိုက်ရန်၊ ခြေသည်း၊လက်သည်းများကို တစ်ပတ်တစ်ခါညှပ်ပေးရန်နှင့် အစာအာဟာရအုပ်စု (၃) အုပ်စု မျှတအောင်စားသုံးရန် စသည်တို့ ပြောကြားခဲ့ကြောင်း သိရသည်။
သတင်း - စောဖိုးခွါး
မြန်မာနေရှင်နယ်ပို့စ်
No comments:
Post a Comment