MNP - နိုဝင်ဘာ ၂၀
ဧရာဝတီတိုင်းဒေသကြီး၊ ပုသိမ်ခရိုင်၊ ပုသိမ်မြို့နယ်အဆင့် သင်္ချာနှင့် အင်္ဂလိပ်စာစွမ်းရည်ပြိုင်ပွဲကို ပုသိမ်မြို့ရှိ အမှတ်(၄) အခြေခံပညာအလယ်တန်းကျောင်း(ထ-ခွဲ)နှင့် အမှတ်(၁၁) အခြေခံပညာ အထက်တန်းကျောင်းများ၌ ယမန်နေ့နံနက် ၈နာရီတွင် စတင်ကျင်းပပြုလုပ်လျက်ရှိကြောင်း သိရသည်။
ပုသိမ်မြို့၊ အမှတ်(၁၁) အခြေခံပညာအထက်တန်းကျောင်း၌ သင်္ချာစွမ်းရည်ပြိုင်ပွဲကို မြို့နယ်အတွင်း အခြခံပညာကျောင်းအသီးသီးရှိ Grade-5 မှ Grade-9 အထိ ကျောင်းသား/သူ ၂၀၀ ကျော်တို့ ဖြေဆိုလျက်ရှိပြီး ဖြေဆိုချိန် ၁ နာရီ ၃၀ မိနစ်အပြီးတွင် လူတွေ့ဆက်လက် ဖြေဆိုရမည်ဖြစ်သည်။ အမှတ်(၄) အခြေခံပညာအလယ်တန်းကျောင်း(ထ-ခွဲ)တွင်လည်း အင်္ဂလိပ်စာစွမ်းရည်ပြိုင်ပွဲကို ပြုလုပ်လျက်ရှိရာ အင်္ဂလိပ်စာဖြေဆိုသူ ၂၀၀ ကျော်ရှိပြီး အင်္ဂလိပ်စာစွမ်းရည်ပြိုင်ပွဲ ဖြေဆိုသူများ အနေဖြင့် လူတွေ့ဖြေဆိုခြင်းကို ၁၀.၁၁.၂၀၂၂ ရက်နေ့တွင် ဆက်လက်ဖြေဆိုကြရမည်ဖြစ်ကြောင်း ပုသိမ်မြို့နယ်ပညာရေးမှူးရုံးမှ သိရသည်။
သင်္ချာနှင့် အင်္ဂလိပ်စာစွမ်းရည်ပြိုင်ပွဲများကို မြို့နယ်အဆင့် ပြုလုပ်ခြင်းဖြစ်ပြီး တိုင်းဒေသကြီးအဆင့် ပြိုင်ပွဲများ ဆက်လက်ပြုလုပ်သွားမည်ဟု သိရသည်။
သတင်း - မြင့်ဟန်
မြန်မာနေရှင်နယ်ပို့စ်
No comments:
Post a Comment