MNP - နိုဝင်ဘာ ၄
ရန်ကုန်တိုင်းဒေသကြီး၊ မရမ်းကုန်းခရိုင်၊ မရမ်းကုန်းမြို့နယ်အထွေထွေအုပ်ချုပ်ရေးဦးစီးဌာန ရုံးခန်းမ၌ ယမန်နေ့မွန်းလွဲ ၃း၀၀နာရီက ပြည်ထဲရေးဝန်ကြီးဌာန၊ အထွေထွေအုပ်ချုပ်ရေးဦးစီးဌာနမှ နိုင်ငံတော်တာဝန်ထမ်းဆောင်ရင်း သေဆုံး/ ကျဆုံးနှင့် ထိခိုက်ဒဏ်ရာရရှိခဲ့သည့် နိုင်ငံ့ဝန်ထမ်းများနှင့် ပြည်သူ့ဝန်ထမ်းများအတွက် ရဲဗလရွှေတံဆိပ်နှင့် ဂုဏ်ပြုစာလွှာများပေးအပ်ပွဲ အခမ်းအနားကျင်းပ ပြုလုပ်ခဲ့သည်။
အခမ်းအနားတွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးတင်ဇော်ဇော်အောင်က အဖွင့်အမှာစကားပြောကြားပြီး ရဲဗလရွှေတံဆိပ်နှင့်ဂုဏ်ပြုစာလွှာရရှိသူများဖြစ်သည့် ရာအိမ်မှူး(၄)ဦးနှင့် ဆယ်အိမ်မှူး (၁)ဦးထံသို့ ဆုတံဆိပ်နှင့်ဂုဏ်ပြုလွှာများပေးအပ်ခဲ့သည်။
အဆိုပါအခမ်းအနားသို့ ရဲဗလတံဆိပ်ရရှိသူ ရာအိမ်မှူး/ ဆယ်အိမ်မှူးများနှင့် မိသားစုဝင်များ၊ ရပ်ကွက်အုပ်ချုပ်ရေးမှူးများ တက်ရောက်ခဲ့ကြကြောင်း သိရသည်။
သတင်း - အေးအေးအောင်
မြန်မာနေရှင်နယ်ပို့စ်
No comments:
Post a Comment