MNP ၊ ဒီဇင်ဘာ ၃
ဧရာဝတီတိုင်းဒေသကြီးဝန်ကြီးချုပ်ဦးတင်မောင်ဝင်းနှင့် အစိုးရအဖွဲ့ဝင်များသည် ပန်းတနော်မြို့နယ်စည်ပင်သာယာရေးအဖွဲ့၏ ၂၀၂၂- ၂၀၂၃ ဘဏ္ဍာရေးနှစ် ငွေလုံးငွေရင်းရန်ပုံငွေအသုံးစရိတ်ဖြင့် ဆောင်ရွက်ခဲ့ပြီးဖြစ်သော အနောက်ပိုင်းရပ်ကွက် ဗိုလ်ချုပ်လမ်းကွန်ကရစ်လမ်းသစ်ဖွင့်ပွဲအခမ်းအနားသို့ ယနေ့နံနက် ၁၁ နာရီက တက်ရောက်ဖဲကြိုးဖြတ်ဖွင့်လှစ်ပေးခဲ့ကြောင်း သိရသည်။
အခမ်းအနားတွင် ဧရာဝတီတိုင်းဒေသကြီးဝန်ကြီးချုပ်ဦးတင်မောင်ဝင်း၊ လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီးမိုးမင်းနိုင်နှင့်တာဝန်ရှိသူများသည် ပန်းတနော်မြို့အနောက်ပိုင်းရပ်ကွက် ဗိုလ်ချုပ်လမ်း(မြို့သစ် ၄ လမ်းမှ မြို့သစ် ၈ လမ်းကြား) လမ်းအလျား ၇၅၀ ပေ၊ အနံ ၁၂ ပေ၊ အမြင့် ၆ လက်မ ကွန်ကရစ်လမ်းသစ်ဖွင့်ပွဲသို့ တက်ရောက်ဖဲကြိုးဖြတ်ဖွင့်လှစ်ပေးခဲ့ပြီး အဆိုပါလမ်းဆောင်ရွက်ပြီးစီးမှုအခြေအနေအား လိုက်လံကြည့်ရှုစစ်ဆေးခဲ့ကြောင်း သိရသည်။
ထို့နောက် တိုင်းဒေသကြီးဝန်ကြီးချုပ်နှင့်အဖွဲ့ဝင်များသည် ပန်းတနော်မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာန၏ ကျေးရွာဖွံ့ဖြိုးတိုးတက်ရေးလုပ်ငန်းစီမံကိန်း (VDP)ရန်ပုံငွေဖြင့် ဆောင်ရွက်ခဲ့သော မြေနုပိုက်တန်းကျေးရွာ ကျေးရွာကုန်ထုတ်လမ်းနှင့် စံကျောင်းကျေးရွာကွန်ကရစ်ဘီးလမ်းဖွင့်ပွဲသို့ရောက်ရှိ၍ ဖဲကြိုးဖြတ်ဖွင့်လှစ်ပေးခဲ့ပြီး ဒေသခံပြည်သူများနှင့်ရင်းရင်းနှီးနှီးတွေ့ဆုံ အားပေးစကားပြောကြားခဲ့ကြောင်း သိရသည်။
ပြည့်ဖြိုးကျော်
https://t.me/MyanmarNationalPost
No comments:
Post a Comment