MNP ၊ ဒီဇင်ဘာ ၁၁
ဒီဇင်ဘာလ ၁၀ ရက်နေ့ ၁၂၃၀ အချိန် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် သက်သေများနှင့်အတူ သီပေါမြို့နယ်၊ ခိုလုံကျေးရွာ၊ (၉)မိုင်လမ်းခွဲအနီးတွင် မော်တော်ယာဉ် များအား စစ်ဆေးရှာဖွေစဉ် သုခအောင် မောင်းနှင်ပြီး ဒေါ်ညိုညိုစိန်(ခ)ဒေါ်ညို စီးနင်းလိုက်ပါလာသည့် မော်တော် ဆိုင်ကယ်အား ရပ်တန့်စစ်ဆေးရှာဖွေရာ ဆိုင်ကယ်ခွကြားတွင် တင်ဆောင်လာသော ပလတ်စတစ်ပုံးများအတွင်းမှ စိတ်ကြွရူးသွပ်ဆေးပြား ၂၀၀၀၀၀ ပြား(ဒေသကာလပေါက်ဈေးတန်ဖိုးငွေကျပ်သိန်း ၁၀၀၀)နှင့် လက်ကိုင်ဖုန်း ၁ လုံး တို့အား တွေ့ရှိသိမ်းဆည်းရမိခဲ့ကြောင်း သိရသည်။
စစ်ဆေးရာ ၎င်းတို့အတူတကွ သယ်ဆောင်လာခြင်းဖြစ်ကြောင်း ပေါ်ပေါက်ခဲ့ သဖြင့် သုခအောင်(၃၇)နှစ် နှင့် ဒေါ်ညိုညိုစိန်(ခ)ဒေါ်ညို(၅၇)နှစ်တို့အား သီပေါမြို့မရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အမှုဖွင့် အရေးယူထားရှိပြီး ကွင်းဆက်များ ဖော်ထုတ်လျက် ရှိကြောင်း သိရသည်။
No comments:
Post a Comment