MNP - ဒီဇင်ဘာ ၆
မန္တလေးတိုင်းဒေသကြီး၊ ပြည်ကြီးတံခွန်မြို့နယ်၊ (ဂ)ရပ်ကွက်တွင် ယမန်နေ့ည ၇ နာရီခွဲခန့်က ဝေယံဘုံကျော်ဘုန်းတော်ကြီးကျောင်း ဆွမ်းစားဆောင်မျက်နှာကျက် မီးလောင်မှုဖြစ်ပွားခဲ့ကြောင်း သိရသည်။
မီးလောင်မှုသတင်းအရ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးသန်းနိုင်နှင့် တာဝန်ရှိသူများနှင့် မြို့နယ်မီးသတ်ဦးစီးဌာနမှ ဦးစီးမှူး ဦးကျော်ကျော်ဦး ဦးစီးသည့် သန္ဓေ ၁၂ဦး၊ အရံမီးသတ် ၆၀ ဦး၊ မီးငြှိမ်းသတ်ယာဉ် ၉ စီး၊ ရေသယ်ယာဉ် ၃ စီး၊ အုပ်ချုပ်မှုယာဉ် ၂ စီးတို့ဖြင့် ဝိုင်းဝန်းငြှိမ်းသတ်ခဲ့ရာ ၇ နာရီ ၄၀ ခန့်တွင် မီးငြိမ်းသွားခဲ့သည်။
ဖြစ်စဉ်မှာ ဖယောင်းတိုင်ဖြင့် ဘုရားဆီမီးပူဇော်ပြီးနောက် ဆရာတော်ကျိန်းနေချိန်တွင် ဖယောင်းတိုင်မီးလဲကာ အနားရှိစာအုပ်ပေါ်သို့ကျရောက်ရာမှ မီးလောင်မှုဖြစ်ပွားခဲ့ခြင်းဖြစ်ကြောင်း၊ အဆိုပါကျောင်းတွင် စာသင်သားသံဃာ အပါး(၄၀)ပါးရှိကြောင်း၊ မီးလောင်မှုကြောင့် ကျောင်းထိုင်ဆရာတော်၏ မျက်နှာ၊ ကျော၊ ဝဲ/ယာလက် အနည်းငယ် မီးလောင်ဒဏ်ရာ (မစိုးရိမ်ရ)ရရှိခဲ့ပြီး မန္တလေးပြည်သူ့ဆေးရုံကြီးသို့ ပို့ဆောင်ကုသလျက်ရှိကြောင်း သိရသည်။
မြန်မာနေရှင်နယ်ပို့စ်
No comments:
Post a Comment