MNP - ဒီဇင်ဘာ ၆
ပဲခူးတိုင်းဒေသကြီး၊ နတ်တလင်းခရိုင်၊ ပေါင်းတည်မြို့နယ်တွင် လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ မြို့နယ်ဦးစီးမှူးရုံးမှ ဦးစီးအရာရှိနှင့်ရုံးဝန်ထမ်းများက ရပ်ကွက်နှင့် ကျေးရွာများသို့ နယ်မြေကွင်းဆင်းဆောင်ရွက်လျက်ရှိရာ ယမန်နေ့နံနက်ပိုင်းက အုတ်ဖို(၁) ရပ်ကွက်နှင့် အုတ်ဖို(၂ )ရပ်ကွက်များသို့ ကွင်းဆင်းဆောင်ရွက်ခဲ့ကြောင်း သိရသည်။
အဆိုပါကွင်းဆင်းဆောင်ရွက်မှုသည် ရပ်ကွက်နေပြည်သူများ အခွင့်အရေးများ မဆုံးရှုံးစေရေး ရည်ရွယ်၍ လူဦးရေနှင့် အိမ်ထောင်စုစာရင်း တိကျမှန်ကန်စေရေးအတွက် ပန်းခင်းစီမံချက်၏ အပိုင်း ၂ အဖြစ် ဆက်လက်ဆောင်ရွက်ခြင်းဖြစ်ကြောင်း၊ စီမံချက်ကာလ အစောပိုင်းစာရင်းများကို မြေပြင်နှင့်ကွင်းဆင်း တိုက်ဆိုင်စစ်ဆေးခြင်း၊လိုအပ်မှု၊ဖြည့်စွတ်မှုများကို အချိန်နှင့်တစ်ပြေးညီပြီးစီးအောင် ပြုလုပ်ပေးခြင်းများကို ဆောင်ရွက်ပေးလျက်ရှိကြောင်းနှင့် ကွင်းဆင်းဆောင်ရွက်ရာတွင် မြို့နယ်ဦးစီးမှူး ဦးမောင်မောင်လွင်နှင့် သက်ဆိုင်ရာ ရုံးဝန်ထမ်း များက ရပ်ကွက်အုပ်ချုပ်ရေးအဖွဲ့များနှင့် ပူးပေါင်းကာ ဆောင်ရွက်ခဲ့ကြကြောင်း သိရသည်။
သတင်း - သူရကြီး
မြန်မာနေရှင်နယ်ပို့စ်
No comments:
Post a Comment