MNP ၊ ဒီဇင်ဘာ ၁၃
နိုင်ငံတော်စီမံအုပ်ချုပ်ရေးကောင်စီ ဥပဒေအမှတ်(၄၆/၂၀၂၂) ဖြင့်၂၀၂၂ ခုနှစ်၊ အောက်တိုဘာ ၂၈ ရက်နေ့တွင်ထုတ်ပြန်ခဲ့သော အသင်းအဖွဲ့မှတ်ပုံတင်ခြင်းဆိုင်ရာဥပဒေအား အသင်းအဖွဲ့များနှင့်ပြည်သူ လူထုသိရှိနားလည်လိုက်နာစေရန် ချပြရှင်းလင်းခြင်းများ ယနေ့ နံနက်က မွန်ပြည်နယ်၊ ပေါင်မြို့နယ် ဝါရီရူ အစည်းဝေးခန်းမတွင် ဆောင်ရွက်ခဲ့ကြောင်းသိရသည်။
အခမ်းအနားတွင် မြို့နယ်အုပ်ချုပ်ရေးမှူး ဦးထင်လင်းအောင်က အဖွင့်အမှာစကားပြောကြားပြီး မြို့နယ်ရဲတပ်ဖွဲ့မှူး ရဲမှူးသံမရောင်က အသင်းအဖွဲ့မှတ်ပုံတင်ခြင်းဆိုင်ရာဥပဒေအား Power Point ဖြင့်ရှင်းလင်းဆွေးနွေးပြောကြားခဲ့သည်။
အဆိုပါဥပဒေအရ အသင်းအဖွဲ့များ၏ မှတ်ပုံတင်အသစ်လျှောက်ထားခြင်းနှင့်သက်တမ်းတိုးခြင်းများနှင့်ပတ်သက်၍ အသင်းအဖွဲ့ဝင်များက သိရှိလိုသည်များကို မေးမြန်းဆွေးနွေးကြရာ တာဝန်ရှိသူများက ပြန်လည်ဆွေးနွေး ဖြေကြားပေးခဲ့ကြောင်း သိရသည်။
ဆွေးနွေးပွဲသို့ မြို့နယ်အဆင့်ဌာနဆိုင်ရာအကြီးအကဲများ၊ ပေါင်မြို့နယ်အတွင်းရှိ လူမှုရေးအသင်းအဖွဲ့ (၃၆ ) ဖွဲ့ မှ တာဝန်ရှိသူများ တက်ရောက်ခဲ့ကြောင်း သိရသည်။
https://t.me/MyanmarNationalPost
No comments:
Post a Comment