MNP - ဇန်နဝါရီ ၃၁
မန္တလေးခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် ပြည်ကြီးတံခွန်မြို့နယ် အခြေခံပညာအထက်တန်းကျောင်း အထက(ခွဲ) အမှတ်(၂၅)တို့ ပူးပေါင်းကျင်းပသော(၇၆)နှစ်မြောက် ပြည်ထောင်စုနေ့အထိမ်းအမှတ်အကြို စာစီစာကုံးပြိုင်ပွဲကို ယနေ့နံနက်(၉)နာရီတွင် မန္တလေးခရိုင် လူထုအခြေပြုဗဟိုဌာန သင်တန်းခန်းမ၌ ကျင်းပပြုလုပ်သည်။
အဆိုပါပြိုင်ပွဲတွင် မန္တလေးခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာန လက်ထောက်ညွှန်ကြားရေးမှူး ဒေါ်မြင့်မြင့်သန်းက ပြိုင်ပွဲကျင်းပရခြင်း၏ ရည်ရွယ်ချက်များကို ပြောကြားပြီး အခြေခံပညာအထက်တန်းကျောင်း အထက(ခွဲ)-၂၅ ကျောင်း အထက်တန်းပြဆရာမ ဒေါ်တင့်တင့်ထွန်းကပြိုင်ပွဲဝင်စည်းကမ်းများကို ရှင်းလင်းဆွေးနွေးခဲ့သည်။ (၇၆)နှစ်မြောက် ပြည်ထောင်စုနေ့အကြို စာစီစာကုံးပြိုင်ပွဲတွင် ကျောင်းသား၊ကျောင်းသူ (၁၂)ဦး ပါဝင်ယှဉ်ပြိုင်ကြောင်း သိရသည်။
မြင့်မြင့်သန်း
https://t.me/MyanmarNationalPost
No comments:
Post a Comment