MNP - ဇန်နဝါရီ ၃၁
မွန်ပြည်နယ်အတွင်း မြို့ပြနှင့်ကျေးလက်နေပြည်သူများအားလုံး ပြီးပြည့်စုံသော ကျန်းမာရေးစောင့်ရှောက်မှုများကို အရည်အသွေး ပြည့်မီစွာရရှိစေရေး အထူးအလေးထား ဆောင်ရွက်လျက်ရှိရာ မွန်ပြည်နယ်ဝန်ကြီးချုပ် ဦးဇော်လင်းထွန်း၊ပြည်နယ်ဝန်ကြီးများ၊ တာဝန်ရှိ သူများသည် ယမန်နေ့ နေ့လယ်ပိုင်းက မော်လမြိုင်မြို့၊ အထွေထွေရောဂါကုပြည်သူ့ဆေးရုံကြီး၊ ကင်ဆာရောဂါ ကုသဆောင်သို့ရောက်ရှိခဲ့ကြပြီး ကင်ဆာဆေးသွင်း ကုသမှုပေးခြင်း၊ ကင်ဆာရောဂါ ကျန်းမာရေးစောင့်ရှောက်လုပ်ငန်းများ ဆောင်ရွက်ပေးခြင်း အခြေအနေများကို ကြည့်ရှုအားပေးခဲ့ကြသည်။
ထို့နောက်ပြည်နယ်ဝန်ကြီးချုပ်က ကင်ဆာရောဂါကုသဆောင်၌ တက်ရောက်ဆေးကုသမှု ခံယူလျက်ရှိသည့် ကင်ဆာရောဂါဝေဒနာရှင်များအား ရင်းရင်းနှီးနှီး လိုက်လံအားပေးစကားပြောကြားခဲ့ပြီး ပြည်နယ်ဝန်ကြီးချုပ်နှင့် ဝန်ကြီးများက ကင်ဆာရောဂါဝေဒနာရှင်များအတွက် လိုအပ်သည့်ဆေးဝါးများနှင့် အာဟာရ ဖြည့်စွက်စာများ ပေးအပ်လှူဒါန်းခဲ့ကြသည်။
ထိုနောက် ပြည်နယ်ဝန်ကြီးချုပ်က မော်လမြိုင်မြို့၊ အထွေထွေရောဂါကု ပြည်သူ့ဆေးရုံကြီး၊ ကင်ဆာရောဂါ ကုသဆောင်အတွက် အလှူငွေများ ပေးအပ်လှူဒါန်းခဲ့ပြီး ကင်ဆာရောဂါဆောင် ပြင်ပဆေးကုသဌာနတွင် ကျန်းမာရေးစောင့်ရှောက်မှုများ ဆောင်ရွက်ပေးနေခြင်းအပေါ် ကြည့်ရှု အားပေးခဲ့ကာ ကျန်းမာရေးဦးစီးဌာန၊ ကုသရေးဦးစီးဌာနတို့မှ တာဝန်ရှိသူများနှင့်တွေ့ဆုံ၍ ဆေးရုံအတွက် လိုအပ်သည်များကို ဖြည့်ဆည်းဆောင်ရွက်ပေးခဲ့သည်။
မွန်ပြည်နယ်၊ မော်လမြိုင်မြို့၊ အထွေထွေရောဂါကုပြည်သူ့ဆေးရုံကြီး၊ ကင်ဆာရောဂါကုသဆောင်တွင် ကင်ဆာရောဂါ ကျန်းမာရေးစောင့်ရှောက်ကုသမှုများ ဆောင်ရွက်ပေးလျက်ရှိရာမှ တစ်နှစ်ထက်တစ်နှစ် ဆေးကုသမှုခံယူသော ကင်ဆာရောဂါဝေဒနာသည်များ ထပ်မံများပြားလာခြင်းကြောင့် ခုတင်(၅၀)ဆံ့ ကင်ဆာရောဂါဆေးကုသဆောင်(၂)နေရာ တိုးချဲ့ခဲ့ပြီး မွန်ပြည်နယ်သာမက နီးစပ်ရာကရင်ပြည်နယ်နှင့်တနင်္သာရီတိုင်းဒေသကြီးတို့မှ ကင်ဆာရောဂါ ဝေဒနာရှင်များကိုပါ ကျန်းမာရေးစောင့်ရှောက်မှုလုပ်ငန်းများ အရည်အသွေးပြည့်မီစွာ ကုသဆောင်ရွက်ပေးလျက်ရှိကြောင်း သိရှိရသည်။
ခင်စန်းမြင့်
https://t.me/MyanmarNationalPost
No comments:
Post a Comment