MNP - ဇန်နဝါရီ ၂၅
ကျောင်းသား ၊ ကျောင်းသူလူငယ်များ ဗလငါးတန်းဖွံ့ဖြိုးရေးနှင့်နောင်အနာဂတ်တွင် တိုင်းပြည်၏သားကောင်း ရတနာများဖြစ်လာစေရန်ရည်ရွယ်၍ ပြန်ကြားရေးနှင့်ပြည်သူ့ဆက်ဆံရေးဦးစီးဌာန ၊ တောင်ကုတ်မြို့နယ်ရုံးမှ မြို့နယ် ဦးစီးမှူးနှင့်ဝန်ထမ်းများက ယနေ့နေ့လယ်(၁၂)နာရီအချိန်က အခြေခံပညာအလယ်တန်းကျောင်း၊သိမ်တောင် သို့သွား ရောက်၍ နံရံကပ်စာစောင်ပြပွဲနှင့်အသိပညာပေးဟောပြောပွဲကိုဆောင်ရွက်ခဲ့သည်။
အခမ်းအနားတွင် အခြေခံပညာအလယ်တန်းကျောင်း ၊သိမ်တောင် မှ ကျောင်းအုပ်ဆရာမကြီး ဒေါ်မြတ်သန္တာ မှ အမှာစကားပြောကြားပြီးနောက် မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန ၊ ဦးစီးအရာရှိ ဦးမြင့်ရွှေ က လူငယ်များ ဗလငါးတန်ဖွံ့ဖြိုးရေးအတွက် လူငယ်နှင့်အနာဂတ် ခေါင်းစဉ်ဖြင့် ဟောပြောဆွေးနွေးသည်။
ထို့နောက် ကျောင်းသား၊ကျောင်းသူများ အသိပညာဗဟုသုတရရှိစေရန်ရည်ရွယ်၍ မူးယစ်ဆေးဝါးအန္တရာယ် ၊ အကြောင်းသိကောင်းစရာများ ၊ လူကုန်ကူးမှုတားဆီးကာကွယ်ရေး ၊ မျောက်ကျောက်ရောဂါအကြောင်းသိကောင်း စရာများ နှင့် မြန်မာ့လွတ်လပ်ရေးကြိုးပမ်းမှု ပုံရိပ်များအဖြစ် နံရံကပ်ဓာတ်ပုံများကို ပြသထားရာ ကျောင်းသား ၊ ကျောင်းသူများက စိတ်ဝင်စားစွာကြည့်ရှုကြသည်။
အဆိုပါအခမ်းအနားသို့ အခြေခံပညာအလယ်တန်းကျောင်းမှ ဆရာမကြီးနှင့်ဆရာမများ ၊ ကျောင်သား ၊ ကျောင်းသူများတက်ရောက်ခဲ့ကြောင်းသိရသည်။
https://t.me/MyanmarNationalPost
No comments:
Post a Comment