MNP - ဇန်နဝါရီ ၃၀
ရခိုင်ပြည်နယ် ၊ မောင်တောခရိုင် ၊ မောင်တောမြို့နယ်၌ ဇန်နဝါရီ ၃၀ ရက်နေ့ နံနက်(၁၁:၂၅)အချိန်က မြို့မ တောင်ရပ်ကွက် ၊ ဖေဇီရွာ၌ လျှပ်စစ်ဝါယာကြိုးအဟောင်းမှ တဆင့် အပူလွန်ကဲ၍ မီးကူးစက်ကာ နေအိမ်(၂) လုံး မီးလောင်မှုဖြစ်ပွား ခဲ့ကြောင်း သိရသည်။
ဖြစ်စဉ်မှာ မောင်တောမြို့၊မြို့မ တောင်ရပ်ကွက် ၊ ဖေဇီရွာတွင် နေအိမ်များ မီးလောင်မှုဖြစ်ပွားနေကြောင်း သတင်း အရ ခရိုင်မီးသတ်ဦးစီးမှူး လက်ထောက်ညွန်ကြားရေးမှူး ဦးသန့်ဇင် နှင့် တပ်ဖွဲ့ဝင်များ၊ မြို့နယ်မီးသတ် ဦးစီးမှူး ဦး ထွန်းရွှေခိုင် နှင့် တပ်ဖွဲ့ဝင်များက မီးငြိမ်းသတ်ယာဉ် (၂)စီးဖြင့် မီးလောင်ပြင်သို့ သွားရောက်မီးငြိမ်းသတ်ခဲ့ရာ (၁၁:၅၀) မိနစ် အချိန်ခန့်တွင် မီးလုံးဝငြိမ်းသတ်နိုင်ခဲ့ကြောင်း သိရသည်။
မီးလောင်ကျွမ်းရသည့် အကြောင်းအရင်းမှာ ဦးအဒူနာဆဲလ် အသက်(၃၅)နှစ် (ဘ) ဦးဟာဘီအူလ္လာ၏ နေအိမ် အလျား ၂၅ ပေ ၊ အနံ ၁၅ ပေ ၊ အမြင့် ၁၂ ပေခန့် ရှိ ဓနိမိုး ၊ဝါးထရံကာ ၊ ပျဉ်ခင်း နေအိမ် ရှေ့အခန်းရှိ ဓနိမိုး နှင့် ကပ် လျက်သွယ်တန်း ထားသော ဟောင်းနွမ်းနေသည့် လျှပ်စစ်ဝါယာကြိုး ပေါက်ပြဲနေရာမှ အပူလွန်ကဲ၍ မီးစတင်လောင် ကျွမ်းခဲ့ပြီး ဘေးကပ်လျက်ရှိ ဦးဆိုက်ဖာအူလ္လာ အသက်(၃၀)နှစ် ၊ (ဘ)ဦးဟာဘီအူလ္လာ၏ ဓနိမိုး ၊ဝါးထရံကာ ၊ ပျဉ်ခင်း နေအိမ် အလျား ၂၅ ပေ ၊ အနံ ၁၅ ပေ ၊ အမြင့် ၁၂ ပေခန့် ရှိ နေအိမ် အား မီးကူးစက်လောင်ကျွမ်းခဲ့ပြီး စုစုပေါင်း နေအိမ် (၂)လုံး မီးလောင်ဆုံးရှုံးခဲ့သဖြင့် မီးလောင်ကျွမ်းမှုကြောင့် လူ/တိရစာ္ဆန် ထိခိုက် ဒဏ်ရာ ရရှိမှု /မရှိ ၊ သေဆုံး မှုမရှိကြောင်း ခရိုင်မီးသတ်ဦးစီးဌာနမှ သိရသည်။ အဆိုပါ မီးလောင်မှုနှင့်ပတ်သတ်၍ မီးစတင် လောင်ကျွမ်းခဲ့သည့် နေအိမ် ပိုင်ရှင် ဦး အဒူနာဆဲလ် အသက်(၃၅)နှစ် (ဘ) ဦးဟာဘီအူလ္လာအား မြို့မရဲစခန်းတွင် (ပ)၇/၂၀၂၃ ၊ ပုဒ်မ(၂၈၅)ဖြင့် အမှုဖွင့်လှစ်ကာ အရေး ယူနိုင်ရေး စီစဉ် ဆောင် ရွက်လျက်ရှိကြောင်းသိရသည်။
သက်လွင်စိုး၊အောင်ကျော်စိန်
https://t.me/MyanmarNationalPost
No comments:
Post a Comment