MNP - ဇန်နဝါရီ ၁၂
မကွေးတိုင်းဒေသကြီး ဆိပ်ဖြူမြို့နယ် အောက်ဆိပ်လျှပ်စစ်မြစ်ရေတင်မှ စပါးစိုက်တောင်သူများ မိုးစပါး ရိတ်သိမ်းအပြီး ထွက်ရှိသော ကောက်ရိုး/ကောက်လှိုင်းများအား ရောင်းချရသည့်အတွက် မိသားစုအပိုဝင်ငွေ ရရှိကြောင်း သိရသည်။
ဆိပ်ဖြူမြို့နယ် အောက်ဆိပ်လျှပ်စစ်မြစ်ရေတင်စီမံကိန်းတွင် ၂၀၂၂ - ၂၀၂၃ ဘဏ္ဍာနှစ်၌ မိုးစပါး (၅၂၀) ဧကကို ဇူလိုင်လအတွင်း၌ စတင်စိုက်ပျိုးဆောင်ရွက်ခဲ့ကြပြီး နိုဝင်ဘာလနှင့် ဒီဇင်ဘာလတို့တွင် မိုးစပါးများကို ရိတ်သိမ်းဆောင်ရွက်ခဲ့ကြသည်။ စပါးစိုက်တောင်သူများအနေဖြင့် စပါးထွက်နှုန်းကောင်းမွန်ပြီး စပါးဈေးနှုန်း မှာလည်း ယခင်နှစ်ထက်ဈေးပိုရရှိကြောင်း၊ မိုးစပါးစိုက်ပျိုးရာမှ ထွက်ရှိသော ကောက်ရိုး/ကောက်လှိုင်းများကို တောင်သူများအနေဖြင့် မိမိတို့၏ ကျွဲ ၊ နွား တိရစ္ဆာန်အစာများအတွက် သိုလှောင်သိမ်းဆည်းကြသလို အခြား ကျွဲ၊ နွား မွေးမြူသူများမှ လာရောက်ဝယ်ယူခြင်းတို့ကိုလည်း ရောင်းချပေးနေရသည့်အတွက် မိသားစုအပိုဝင်ငွေ ရရှိကြောင်း၊ ယခင်နှစ်က တစ်ဧကစာ ကောက်ရိုး/ကောက်လှိုင်းကို (၆၀၀၀၀)ကျပ် အထိသာဈေးရရှိပြီး ယခုနှစ်တွင် တစ်ဧကစာ ကောက်ရိုး/ကောက်လှိုင်းကို(၈၀၀၀၀) ကျပ်အထိ ရောင်းချရသည့်အတွက် မိသားစု အပိုဝင်ငွေရရှိကြောင်း စပါးစိုက်တောင်သူများထံမှ သိရသည်။
ကိုဇွဲ
https://t.me/MyanmarNationalPost
No comments:
Post a Comment