MNP - ဇန်နဝါရီ ၂၇
မွန်ပြည်နယ်၊ မော်လမြိုင်ခရိုင်၊ သံဖြူဇရပ်မြို့နယ်၊ ကျိုက္ခမီမြို့ဆုတောင်းပြည့် ရေလယ်ဆံတော်ရှင်မြတ်ဘုရားကြီး၊ ကုန်းတော်ပေါ်ရှိ သာသနာ့ဗိမာန်ခန်းမတွင် မာရဝိဇယ ဗုဒ္ဓရုပ်ပွားတော်မြတ်ကြီးအား သံဖြူဇရပ်မြို့နယ်အနေဖြင့် သံဃာတော်များနှင့် ဝတ်အသင်းအဖွဲ့များက ပူဇော်ခြင်း၊ အခမ်းအနားကို ဒုတိယနေ့အဖြစ် ယနေ့နံနက် ၈ နာရီအချိန်က ကျင်းပပြုလုပ်သည်။
အခမ်းအနားကို နမောတဿ(၃)ကြိမ်ရွတ်ဆို၍ဖွင့်လှစ်ပြီး ငါးပါးသီလခံယူဆောက်တည်ခြင်း၊ ကြွရောက်တော်မူသော သံဃာတော်များက အတွင်းအောင်ခြင်း(၈)ပါးပါဠိတော်နှင့် အပြင်အောင်ခြင်း(၈)ပါးပါဠိတော်တို့ကို ရွတ်ဆိုပူဇော်ခြင်း၊ ဝတ်အသင်းများက အပြင်အောင်ခြင်း(၈)ပါး(မြန်မာပြန်)ကို ရွတ်ဆိုခြင်း၊ ဓဇဂ္ဂသုတ်တော်အား သံဃာတော်များနှင့်ဝတ်အသင်းအဖွဲ့များရွတ်ဆိုပူဇော်ခြင်း၊ ဝတ်အသင်းအဖွဲ့များက ဓမ္မစင်္ကြာဖြင့် ရွတ်ဆိုပူဇော်ခြင်း၊ သံဃာတော်အရှင်မြတ်တို့အား လှူဖွယ်ဝတ္တူများ ဆပ်ကပ်လှူဒါန်းပြီး ရေစက်သွန်းချအမျှပေးဝေသည်၊၊
အခမ်းအနားကို မြို့နယ်စီမံအုပ်ချုပ်ရေးအဖွဲ့ကဦးဆောင်၍ ဌာနဆိုင်ရာဝန်ထမ်းများ၊ ရပ်/ကျေးအုပ်ချုပ်ရေးအဖွဲ့များ၊ ဝတ်အသင်းအဖွဲ့များ စုစုပေါင်း(၁၀၀)ဦးခန့်တက်ရောက်ခဲ့ကြပြီး ဗုဒ္ဓသာသနံစိရံတိဌတု(၃)ကြိမ်ရွတ်ဆို၍ အခမ်းအနားပြီးဆုံးကြောင်း သိရသည်။
မိုးစည်သူ
https://t.me/MyanmarNationalPost
No comments:
Post a Comment