MNP - ဇန်နဝါရီ ၃၀
၂၀၂၃ ခုနှစ်၊ ဖေဖော်ဝါရီလ ၁၂ ရက်နေ့တွင် ကျရောက်မည့်(၇၆)နှစ်မြောက် ပြည်ထောင်စုနေ့ကို ဂုဏ်ပြုကြိုဆိုသော အားဖြင့် စစ်ကိုင်းတိုင်းဒေသကြီး၊ ယင်းမာပင်မြို့၊ ပြည်သူ့အားကစားကွင်းအတွင်း၌ ယမန်နေ့ နံနက် ၈ နာရီအချိန်က ဖူဆယ်ဘောလုံးပြိုင်ပွဲများ ကျင်းပခဲ့ကြောင်း သိရသည်။
"အခုကျင်းပတဲ့ ဖူဆယ်ဘောလုံးပြိုင်ပွဲတွေကို ခရိုင်စီမံအုပ်ချုပ်ရေး အဖွဲ့ရဲ့ ဦးဆောင်မှုနဲ့ ကျင်းပပေးတာဖြစ်ပါတယ်။ ခရိုင်နဲ့ မြို့နယ်ဌာနဆိုင်ရာများမှ အားကစားဝါသနာရှင်တွေနဲ့ ဖွဲ့စည်းထားတဲ့ အသင်း(၈)သင်း ပါဝင်ယှဉ်ပြိုင်ကြတာ ဖြစ်ပြီး ဆုရရှိတဲ့သင်းတွေကို ပြည်ထောင်စုနေ့အခမ်းအနားမှာ ဆုများချီးမြှင့်ပေးမှာဖြစ်ပါတယ်" ဟု မြို့နယ်ဥက္ကဋ္ဌ ဦးမျိုးမင်းသန့်က ပြောသည်။
ဖူဆယ်ဘောလုံးပြိုင်ပွဲများတွင် ပျော်ရွှင်စွာ ပါဝင်ယှဉ်ပြိုင်ကြသည့် ပြိုင်ပွဲဝင်များအား ခရိုင်စီမံအုပ်ချုပ်ရေးအဖွဲ့ ဥက္ကဋ္ဌ၊ ဦးဆန်းမော်၊ အဖွဲ့ဝင်(၁) ဒုတိယဗိုလ်မှူးကြီး ဝင်းခိုင်ထွန်း၊ မြို့နယ်ဥက္ကဋ္ဌ ဦးမျိုးမင်းသန့်နှင့် တာဝန်ရှိသူများက ကြည့်ရှု အားပေးခဲ့ကြောင်း သိရသည်။
https://t.me/MyanmarNationalPost
No comments:
Post a Comment