MNP - ဇန်နဝါရီ ၂
ပဲခူးတိုင်းဒေသကြီး၊ ညောင်လေးပင်ခရိုင်၊ ညောင်လေးပင်မြို့နယ်တွင် ယနေ့နံနက်(၁၀)နာရီအချိန်က မြို့နယ်မိုးလုံလေလုံအားကစားကွင်း၌ (၇၅)နှစ်မြောက် စိန်ရတုလွတ်လပ်ရေးနေ့ အထိမ်းအမှတ် စစ်တုရင်ပြိုင်ပွဲ ကျင်းပပြုလုပ်ခဲ့ကြောင်း သိရသည်။
(၇၅)နှစ်မြောက် စိန်ရတုလွတ်လပ်ရေးနေ့ အထိမ်းအမှတ်အဖြစ် အားကစားပြိုင်ပွဲများအား ကျင်းပပြုလုပ်မည်ဖြစ်ရာ ယနေ့တွင် အလွတ်တန်းစစ်တုရင်ပြိုင်ပွဲ ကျင်းပပြုလုပ်ခဲ့ပြီး ကစားသမား(၁၆)ဦး ဝင်ရောက်ယှဉ်ပြိုင်ခဲ့သည်။
ဝင်ရောက်ယှဉ်ပြိုင်သော ကစားသမားများအနေဖြင့် ပတ်လည်စနစ်ဖြင့် ယှဉ်ပြိုင်ရမှာဖြစ်ပြီး ဇန်နဝါရီလ(၃)ရက်နေ့တွင်လည်း ဆက်လက်ယှဉ်ပြိုင်သွားမည်ဖြစ်ကြောင်း သိရသည်။
အဆိုပါ စစ်တုရင်ပြိုင်ပွဲသို့ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌနှင့်အဖွဲ့ဝင်များ၊ အားကစားနှင့်ကာယပညာဦးစီးဌာန မြို့နယ်ဦးစီးမှူးနှင့်ဝန်ထမ်းများ လိုက်လံကြည့်ရှုခဲ့ကြောင်း သိရသည်။
https://t.me/MyanmarNationalPost
No comments:
Post a Comment