ပေါင်မြို့နယ်တွင်နိုင်ငံ့စီးပွားမြှင့်တင်ရေးရန်ပုံငွေလွှဲပြောင်းပေးအပ်ပွဲ အခမ်းအနားကျင်းပ

MNP  -   ဇန်နဝါရီ    ၁၇

မွန်ပြည်နယ် ပေါင်မြို့နယ်တွင်နိုင်ငံ့စီးပွားမြှင့်တင်ရေးရန်ပုံငွေလွှဲပြောင်းပေးအပ်ပွဲ အခမ်းအနားကိုယနေ့နံနက်ပိုင်းကပေါင်မြို့နယ် အထွေထွေအုပ်ချုပ်ရေးဦးစီးဌာန ဝါရီရူခန်းမ ၌ကျင်းပပြုလုပ်ခဲ့သည်။

အခမ်းအနားတွင် ဒုတိယမြို့နယ်အုပ်ချုပ်ရေးမှူး  ဦးကျော်မျိုးလှိုင် က အဖွင့်အမှာစကားပြောကြားပြီးမွေးမြူရေးနှင့်ကုသရေးဦးစီးဌာနမှ  ဒေါက်တာသက်နိုင်က ယခုလိုငွေများထုတ်ပေးသည့်တွက်ကျေးရွာများ  ကဏ္ဍစုံဖွံဖြိုးတိုးတက်လာကြဖို့မျော်လင့်ပါကြောင်းပြောကြားသည်။

ထို့နောက် သမဝါယမဦးစီးအရာရှိ ဒေါ်‌သိန်းသိန်းအေး ကနိုင်ငံတော်ကထောက်ပံ့ပေးအပ်သော ငွေများသည် ဝက်တစ်ကောင်လျင်ကျပ်ငွေတစ်သိန်းနှုန်းဖြင့် ဝက် အမြောက်အများ မွေးမြူနိုင်ပါကြောင်း တောင်သူများအနေဖြင့်တစ်ပိုင်တစ်နိုင်မှစီးပွားဖြစ်လာတော့မည်ဖြစ်ကြောင်း ပြောကြားသည်။

စိုက်ပျိုးရေးဦးစီးဌာနမှ ဦးစီးအရာရှိ ဦးကျော်စွာလှိုင်က ယခုလိုငွေအမြောက်အများကိုထုတ်ပေးသည့်အတွက်တောင်သူများအနေဖြင့် စီးပွားတိုးနက်မှုများကိုဖြစ်ထွန်းလာမည်ဖြစ်ကြောင်း စသည့် အကျိုးကျေးဇူးနှင့် ရည်ရွယ်ချက်ကို ရှင်းလင်းပြောကြားခဲ့သည်။

ထို့နောက် တာဝန်ရှိသူများက ကျေးရွာ (၁၆) ရွာရှိကော်မတီဝင်များအား ရန်ပုံငွေကျပ် (၅၃၃.၇၂) သန်း  အားလွှဲပြောင်းပေးအပ်ခဲ့သည်။အခမ်းအနားကိုခရိုင်စိုက်ပျိုးရေးဦးစီးဌာနမှဒုတိယညွှန်ကြားရေးမှူး၊ မြို့နယ်စီမံကောင်စီအဖွဲ့ဝင်များနှင့်တာဝန်ရှိသူများ၊ကျေးရွာကော်မတီဝင်များ တက်ရောက်ခဲ့ကြောင်းသိရသည်။

 https://t.me/MyanmarNationalPost