MNP - ဇန်နဝါရ ၂၈
ရခိုင်ပြည်နယ်၊ ကျောက်ဖြူခရိုင် စိုက်ပျိုးရေးဦးစီးဌာနမှ ခရိုင်ဦးစီးမှူးဦးလုံးမောင်သိန်းနှင့် မြေ၊ မျိုး၊ ပိုး၊ သီးနှံတာဝန်ခံအဖွဲ့တို့သည် ယနေ့ နံနက် ၈ နာရီက ရမ်းဗြဲမြို့နယ်၊ ခွဆုံကျေးရွာအုပ်စု၊ ခွဆုံရွာဟောင်းကျေးရွားအတွင်း ကျေးရွာသစ်လှုပ်ရှားမှုစီမံကိန်းဖြင့်အကောင်အထည်ဖေါ်ဆောင်ရွက်နေသည့် ရွာတွင်းလမ်းကွန်ကရစ်ခင်းခြင်းနှင့်ကျေးရွာခန်းမတည်ဆောက်ခြင်းလုပ်ငန်းများသို့ ကွင်းဆင်းစစ်ဆေးကြည့်ရှုခဲ့ကြသည်။
ထို့နောက် ခရိုင်စိုက်ပျိုးရေးဦးစီးဌာနမှ ခရိုင်ဦးစီးမှူး ဦးလုံးမောင်သိန်းသည် ရမ်းဗြဲမြို့နယ်၊ ရွာကြီးကျေးရွာအုပ်စုရွာကြီးကျေးရွာရှိ စိုက်ပျိုးရေးရှင်းလင်းဆောင်တွင် တောင်သူပညာပေးသင်
တန်းကိုဖွင့်လှစ်ပေးရာ သင်တန်းဖွင့်ပွဲသို့ ရမ်းဗြဲမြို့နယ်၊ စိုက်ပျိုးရေးဦးစီးဌာနမှ မြို့နယ်ဦးစီးမှူးဦးကျော်ဝင်းနှင့်ကွင်းတာဝန်ခံများ၊ ရွာကြီးကျေးရွာနှင့်အနီးကျေးရွာများမှတောင်သူများတက်ရောက်ခဲ့ကြသည်။ သင်တန်းတွင် သီးနှံအလိုက်ပန်းတိုင်အတွက်နှုန်းရရနှိင်ရေး၊ သီးထပ်သီးညှပ်တိုးချဲ့စိုက်ပျိုးနိုင်ရေး၊ နယ်စပ်ဖြတ်ကျော်မီးခိုးငွေ့ညစ်ညမ်းမှုလျော့ချနိုင်ရေးကို အကျိုးရှိစွာစနစ်တကျစိုက်ပျိုးနိုင်ရေး၊ ရေအစက်ချစနစ်ဖြင့် ကျယ်ကျယ်ပြန့်ပြန့်စိုက်ပျိုးရေးတို့ကို ခရိုင် မြေ၊ မျိုး၊ ပိုး၊ သီးနှံတာဝန်ခံအဖွဲ့မှ ကဏ္ဍလိုက်ပညာပေးဆွေးနွေးကြသည်။
ဆက်လက်ပြီး ခရိုင်စိုက်ပျိုးရေးဦးစီးမှူး ဦးလုံးမောင်သိန်းသည် ရွာကြီးကျေးရွာတွင် စိုက်ပျိုးထားရှိသော ဆီထွက်သီးနှံနေကြာစံပြစိုက်ကွက် ဧက (၂၀) စိုက်ခင်းဖြစ်ထွန်းနေမှုအား အားပေးကြည့်ရှုခဲ့ကြောင်းသိရသည်။
အောင်နိုင်
https://t.me/MyanmarNationalPost
No comments:
Post a Comment