MNP - ဇန်နဝါရီ ၂၆
မွန်ပြည်နယ်၊ ပေါင်မြို့နယ်အတွင်း ဘေးဥပါဒ်အန္တရာယ်များကင်းစင်အေးချမ်းစေရေးအတွက် မြို့နယ်စီမံအုပ်ချုပ်ရေးအဖွဲ့ ဥက္ကဌဦးထင်လင်းအောင်၏ စီစဉ်ကြီးကြပ်မှုဖြင့် ပေါင်မြို့နယ်
ကဒုံစီးတိုက်ကျောင်း၌ ယနေ့နံနက် ၈ နာရီအချိန်က အတွင်းအောင်ခြင်း၊ အပြင်အောင်ခြင်းပါဠိတော်များအပါအဝင် ဗုဒ္ဓဒေသနာတော်များကို သံဃာတော်များက ရွတ်ဖတ်ပူဇော်ခဲ့ကြသည်။
ဒေသနာတော်များရွတ်ဖတ်ပူဇော်ရာတွင် ကဒုံစီးတိုက်ကျောင်းဦးဆောင်ဆရာတော် မြို့နယ်သံဃနာယကအဖွဲ့ဥက္ကဌ ကဒုံစီးတိုက်ကျောင်းဆရာတော်ဘဒ္ဒန္တပညာသာမိဦးစီး ဆရာတော်ဦးဆောင်သည့် သံဃာတော်များက အတွင်းအောင်ခြင်းရှစ်ပါးပါဠိတော်၊ အပြင်အောင်ခြင်းရှစ်ပါးပါဠိတော်နှင့် ဓဇဂ္ဂသုတ်တို့အား ရွတ်ဖတ်ပူဇော်ပြီး မေတ္တာပို့အမျှအတန်းပေးဝေခဲ့ကြသည်။
အဆိုပါဒေသနာတော်များရွတ်ဖတ်ပူဇော်ရာသို့ မြို့နယ်စီမံအုပ်ချုပ်ရေးအဖွဲ့မှ တာဝန်ရှိသူများတက်ရောက်ကြည်ညိုကြပြီး ဆရာတော်နှင့် သံဃာတော်များအား လှူဖွယ်ဝတ္ထုများ ဆက်ကပ် လှူဒါန်းခဲ့ကြကြောင်း သိရသည်။
https://t.me/MyanmarNationalPost
No comments:
Post a Comment