MNP - ဇန်နဝါရီ ၂၆
မွန်ပြည်နယ်၊ သထုံမြို့နယ်အတွင်း ဘေးဥပါဒ်အန္တရာယ်များကင်းစင်အေးချမ်းစေရေးအတွက် မြို့နယ်စီမံအုပ်ချုပ်ရေးအဖွဲ့၏ စီစဉ်ကြီးကြပ်မှုဖြင့် သိမ်ကုန်းရပ်ကွက်၊ ရန်အောင်မြင်စေတီတော်ဝင်းအတွင်းရှိ လမ်းမတော်ကျောင်းတိုက်၌ ယနေ့နံနက် ၈ နာရီအချိန်က အတွင်းအောင်ခြင်း၊ အပြင်အောင်ခြင်းပါဠိတော်များအပါဝင် ဗုဒ္ဓဒေသနာတော်များကို သံဃာတော်များက ရွတ်ဖတ်ပူဇော်ခဲ့ကြသည်။
ဒေသနာတော်များရွတ်ဖတ်ပူဇော်ရာတွင် လမ်းမတော်ကျောင်းတိုက် ဦးစီးပဓာနနာယက၊ ဓမ္မာစရိယ၊ ပိဋကတ္တယပါရဂူ ဘဒ္ဒန္တသုမင်္ဂလာဘိဝံသ ဆရာတော်ဦးဆောင်သည့် သံဃာတော်များက အတွင်းအောင်ခြင်းရှစ်ပါးပါဠိတော်၊ အပြင်အောင်ခြင်းရှစ်ပါးပါဠိတော်နှင့် ဓဇဂ္ဂသုတ်တို့အား ရွတ်ဖတ်ပူဇော်ပြီး မေတ္တာပို့အမျှအတန်းပေးဝေခဲ့ကြသည်။
အဆိုပါဒေသနာတော်များရွတ်ဖတ်ပူဇော်ရာသို့ မြို့နယ်စီမံအုပ်ချုပ်ရေးအဖွဲ့မှ တာဝန်ရှိသူများတက်ရောက်ကြည်ညိုကြပြီး ဆရာတော်နှင့် သံဃာတော်များအား လှူဖွယ်ဝတ္ထုများ ဆက်ကပ် လှူဒါန်းခဲ့ကြကြောင်း သိရသည်။
https://t.me/MyanmarNationalPost
No comments:
Post a Comment