MNP - ဇန်နဝါရီ ၂၄
ရန်ကုန်တိုင်းဒေသကြီး၊ ကျောက်တံတားခရိုင်၊ ဒဂုံမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် အခြေခံပညာဦးစီးဌာနတို့ပူးပေါင်း၍ မူးယစ်ဆေးဝါးအန္တရာယ်တားဆီးကာကွယ်ရေး အသိပညာပေး ဟောပြောပွဲ၊ စာအုပ်ပြပွဲနှင့် နံရံကပ်စာစောင်ပြပွဲကို ယမန်နေ့နံနက် ၁၀နာရီက အမှတ်(၁)အခြေခံပညာအလယ်တန်းကျောင်း၌ ကျင်းပခဲ့သည်။
အဆိုပါ အသိပညာပေးဟောပြောပွဲတွင် ဒဂုံမြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ မြို့နယ် ဦးစီးအရာရှိ ဒေါ်မေသန္တာက ဆေးလိပ်ကိုမစမ်းသပ်သင့်ကြောင်း၊ မူးယစ်ဆေးဝါးကိုပါ ဆက်လက်သုံးစွဲ လာတတ်ကြကြောင်း၊ ဖြတ်မရအောင်စွဲလမ်းတတ်ကြကြောင်း၊ ဆေးသုံးခြင်းကြောင့်ရရှိလာမည့် ဆိုးကျိုးများစသည်တို့ကို ကျောင်းသား ကျောင်းသူများအား အကျယ်တဝင့်ရှင်းလင်းပြောကြားခဲ့သည်။
ထို့နောက် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ပြသထားသော မူးယစ်ဆေးဝါး၏ ဆိုးကျိုးအန္တရာယ်များ၊ မူးယစ်ဆေးဝါးအမျိုးအစားများ၊ ကိုဗစ်- ၁၉ ရောဂါကာကွယ်ရေးအသိပညာပေးစာစောင်၊ လူကုန်ကူးမှုအသိပညာပေးစာစောင်များနှင့် ၂၀၂၂-၂၀၂၃ ခုနှစ်ပညာရေးဆိုင် ရာကိစ္စရပ်များအကြောင်း နံရံကပ်စာစောင်များနှင့် ဗဟုသုတရရှိစေမည့် သုတ၊ ရသစာအုပ်များကို ဆရာဆရာမများ၊ ကျောင်းသားကျောင်းသူများက စိတ်ပါ၀င်စားစွာ လေ့လာခဲ့ကြကြောင်း သိရသည်။
ကြည်ဇေသော်
https://t.me/MyanmarNationalPost
No comments:
Post a Comment