MNP - ဇန်နဝါရီ ၂၄
မကွေးတိုင်းဒေသကြီး၊ ဆင်ပေါင်ဝဲမြို့နယ် မြန်မာ့လယ်ယာဖွံ့ဖြိုးရေးဘဏ်မှ ၂၀၂၂-၂၀၂၃ ဘဏ္ဍာနှစ်အတွက်၊ ၂၀၂၂ ဆောင်းသီးနှံစိုက်ပျိုးကြမည့် တောင်သူများအား ၂၀၂၂-ခုနှစ် အောက်တိုဘာလမှစတင်၍ စိုက်ပျိုးစရိတ်ချေးငွေများကို ထုတ်ချေးပေးလျက်ရှိကြောင်း သိရသည်။
ယခုနှစ် ဆင်ပေါင်ဝဲမြို့နယ် မြန်မာ့လယ်ယာဖွံ့ဖြိုးရေးဘဏ်မှ ၂၀၂၂ ခုနှစ် ဆောင်းသီးနှံ ထုတ်လုပ်မှု ဘဏ်ချေးငွေထုတ်ချေးရန် လျာထားချက်မှာ (၂၀၀၀.၀၀) သိန်းဖြစ်ပြီး ၎င်းတို့ပိုင်ဆိုင်ထားသော (ပုံစံ-၇) မူရင်းများကို ၂၀၂၂ မိုးဘဏ်ထုတ်ချေးစဥက ဘဏ်မှ အပေါင်အဖြစ် ရယူထားခဲ့ပြီး တောင်သူတစ်ဦးချင်းကိုယ်တိုင် အာမခံသည့် စနစ်ဖြင့် ရှင်းလင်းလွယ်ကူစွာ ထုတ်ချေးပေးလျက်ရှိသည်။
အဆိုပါ ထုတ်ချေးငွေကာလမှာ ၂၀၂၂-ခုနှစ်၊ အောက်တိုဘာလမှ ဇန်နဝါရီလ အကုန်ထိဖြစ်ပြီး၊၂၀၂၃-ခုနှစ်ဇန်နဝါရီလ(၂၀)ရက်နေ့ထိကျေးရွာအုပ်စု(၆)အုပ်စု၊ တောင်သူအဖွဲ့ဝင်ပေါင်း (၉၃)ဦး၊ ထုတ်ချေးငွေပေါင်း(၆၂၂.၀၀)သိန်း ထုတ်ချေးပြီးဖြစ်၍ အချိန်စေ့လွန်ကြွေးကျန်များ ပြေကျေစွာပေးဆပ်ပြီးသည့် တောင်သူများကိုသာ ၂၀၂၂-ခုနှစ်ဆောင်းချေးငွေကို ထုတ်ချေး ပေးလျက်ရှိကြောင်း မြို့နယ်မန်နေဂျာ(ယာယီတာဝန်)ထံမှ သိရသည်။
ခန့်ဝင်း
https://t.me/MyanmarNationalPost
No comments:
Post a Comment