MNP - ဇန်နဝါရီ ၂၅
ရခိုင်ပြည်နယ်၊ မောင်တောခရိုင်၊ဘူးသီးတောင်မြို့နယ် စီမံအုပ်ချုပ်ရေးအဖွဲ့နှင့် ဌာနဆိုင်ရာများပုံမှန်လုပ်ငန်းညှိနှိုင်း အစည်းအဝေးကို ယနေ့ နံနက် ၁၀နာရီတွင် မြို့နယ် အထွေထွေအုပ်ချုပ်ရေးဦးစီးဌာနအစည်းအဝေးခန်းမ၌ ပြုလုပ်သည်။
ရှေးဦးစွာ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌဦးကျန်အေးကနယ်လှည့်ဆေးကုသရေးအဖွဲ့များရောက်ရှိမည်ဖြစ်ပြီးစုရပ်(၄)ရပ်ခွဲပြီးပြည်သူများအားဆေးကုသပေးမည်ဖြစ်ပြီး ဌာနဆိုင်ရာ အကြီးအကဲများအနေဖြင့်ပါဝင်ကူညီဆောင်ရွက်ပေးကြရန်နှင့်မြို့နယ်အတွင်းအားကစားသမားများစုစည်းပြီးခရိုင်သို့သွားရောက်ယှည်ပြိုင်မည့်ကစားသမားများအားမြို့နယ်အားကစားနှင့်ကာယပညာဦးစီးဌာနနှင့်ဌာနဆိုင်ရာများပူးပေါင်းပါဝင်စေလိုကြောင်း၊ပွင့်လင်းရာသီသို့ရောက်ရှိလာပြီဖြစ်သဖြင့် မိမိတို့ရုံး/ကျောင်းတို့ကို မီးဘေးအန္တရာယ်ကြိုတင်ကာကွယ်ရေး ကိစ္စရပ်များဆောင်ရွက်ထားရှိစေလိုပါကြောင်း၊ဌာနဆိုင်ရာ အကြီးအကဲများအနေဖြင့် မိမိတို့ဌာနလုပ်ငန်းဆောင်ရွက်မှုများအားရှင်းလင်းတင်ပြပေးကြရန်ဆွေးနွေးပြောကြားသည်။
ထို့နောက် တက်ရောက်လာကြသည့် ဌာနဆိုင်ရာများက လက်ရှိလုပ်ငန်းဆောင်ရွက်နေမှုများ၊လိုအပ်ချက်များအားဆွေးနွေးတင်ပြကြရာ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ကလိုအပ်သည်များပေါင်းစပ်ညှိနှိုင်းဆောင် ရွက်ပေးသည်။
လှကျော်
https://t.me/MyanmarNationalPost
No comments:
Post a Comment