MNP - ဇန်နဝါရီလ ၂၆
ကယားပြည်နယ်၊ ဘောလခဲခရိုင်၊ ဖားဆောင်းမြို့နယ်တွင်မြို့နယ်တွင်း အိမ်ခြံမြေအကျိုးဆောင်လုပ်ကိုင်နေသူများ၊ မြို့နယ်ဌာနဆိုင်ရာများ၊ ရပ်မိရပ်ဖများ၊ ရပ်ကွက်/ ကျေးရွာအုပ်ချုပ်ရေးမှူးများ၊ အိမ်ခြံမြေလုပ်ငန်းစိတ်ဝင်စားသူများမှတစ်ဆင့် ပြည်သူများ ကျယ်ကျယ်ပြန့်ပြန့်သိရှိနိုင်စေရန် ရည်ရွယ်၍အိမ်ခြံမြေ အကျိုးဆောင်များဆိုင်ရာ ညွှန်ကြားချက် အမှတ်(၁/ ၂၀၂၂) ထပ်ဆင့်ပြန်လည် ရှင်းလင်းဆွေးနွေးခြင်းကို ယမန်နေ့က မြို့နယ်အုပ်ချုပ်ရေးမှူးရုံး အစည်းအဝေး ခန်းမ၌ ကျင်းပခဲ့သည်။
ရှေးဦးစွာ မြို့နယ်အိမ်ခြံမြေ အကျိုးဆောင်များဆိုင်ရာ မှတ်ပုံတင်အဖွဲ့ဥက္ကဋ္ဌ မြို့နယ်အုပ်ချုပ်ရေးမှူး ဦးသက်မြင့်ဦးက မြို့နယ်အိမ်ခြံမြေ အကျိုးဆောင်များဆိုင်ရာ မှတ်ပုံတင်အဖွဲ့၊ အမည်နှင့်အဓိပ္ပါယ်ဖွင့်ဆိုချက်၊ အကျိုးဆောင်အသင်းများဖွဲ့စည်းခြင်း၊ လိုက်နာရမည့်သတ်မှတ်ချက်များ၊ အကျိုးဆောင်နှင့်ဝန်ဆောင်မှုရယူသူများအား အကာအကွယ်ပေးခြင်းနှင့်အခွင့်အရေးများ၊ ထိန်းသိမ်းကြီးကြပ်ခြင်းနှင့်အရေးယူခြင်း၊ အကျိုးဆောင်လုပ်ငန်းအသိအမှတ်ပြုမှတ်ပုံတင်လက်မှတ်စသည့် ညွှန်ကြားချက်များအား ရှင်းလင်းပြောကြားခဲ့သည်။
ဆက်လက်၍ မြို့နယ်အိမ်ခြံမြေအကျိုးဆောင်များဆိုင်ရာ မှတ်ပုံတင်အဖွဲ့အတွင်းရေးမှူး ရဲမှူးကျော်ထင်က အိမ်ခြံမြေရောင်းဝယ်မည့်သူများအနေဖြင့် အသိအမှတ်ပြုလက်မှတ်ရှိမှသာ ရောင်းဝယ်ရန် လိုအပ်ကြောင်း၊ အဖွဲ့ဝင် ဦးနေထူးဟန် မြို့နယ်အခွန်ဦးစီးဌာနမှ အခွန်ပေးဆောင်ခြင်းဆိုင်ရာများကို ရှင်းလင်းဆွေးနွးပြီး၊ ရပ်ကွက်/ ကျေးရွာအုပ်ချုပ်ရေးမှူးများက သိရှိလိုသည်များကို မေးမြန်းတင်ပြခဲ့ရာ မြို့နယ်အုပ်ချုပ်ရေးမှူး ဦးသက်မြင့်ဦးနှင့် တာဝန်ရှိသူများက ပြန်လည်ရှင်းလင်းပြောကြားခဲ့ကြောင်း သိရသည်။
နန်းသဲနုအောင်
https://t.me/MyanmarNationalPost
No comments:
Post a Comment