MNP - ဇန်နဝါရီ ၁၆
မွန်ပြည်နယ်၊ကျိုက်ထိုမြို့နယ် စိုက်ပျိုး ရေးဦးစီးဌာနမှ နိုင်ငံစီးပွားမြှင့်တင်ရေး ရန်ပုံငွေ ပေးအပ်ပွဲအခမ်းအနားကို ဇန်နဝါရီ ၁၆ ရက် နံနက် ၁၁ နာရီ တွင် မြို့နယ်အထွေထွေအုပ်ချုပ်ရေးဦးစီးဌာန အစည်းအဝေး ခန်းမ၌ ကျင်းပပြုလုပ်ခဲ့သည်။
အခမ်းအနားတွင် မြို့နယ်နိုင်ငံ့စီးပွားမြှင့်တင်ရေးကြီးကြပ်မှုကော်မတီ ဥက္ကဌ ဦးမျိုးမင်းစိုး မှအဖွင့်အမှာစကားပြောကြားပြီး ကော်မတီအတွင်းရေးမှူးမြို့နယ် စိုက် ပျိုးရေးဦးစီးဌာန ဦးစီးအရာရှိ ဦးဝင်းဗိုလ်ကရန်ပုံငွေပေးအပ်ရခြင်းရည်ရွယ်ချက်ကိုပြောကြားခဲ့သည်။
ယင်းနောက် မြို့နယ်နိုင်ငံ့စီးပွားမြှင့်တင် ရေးကြီးကြပ်မှုကော်မတီဥက္ကဌ ဦးမျိုးမင်းစိုး နှင့်ကော်မတီဝင်များက ကျိုက်ထိုမြို့နယ်လှည်းလမ်းကူးကျေးရွာ စီမံကိန်းကော်မတီကိုယ်စားလှယ် ထံသို့ ငွေကျပ်သိန်း(၆၀၀)ကျပ်အားလည်းကောင်း၊ကော့ထင်းကျေးရွာအုပ်စု ကိုယ်စားလှယ်ထံသို့ ငွေကျပ်သိန်း(၄၀၀)အားလည်းကောင်း၊ကျိုက်ပိကျေးရွာအုပ်စု ကိုယ်စားလှယ်ထံသို့ ငွေကျပ်သိန်း (၄၀၀)ကျပ်အားလည်းကောင်း၊အဘိုင်းကျေးရွာအုပ်စုကိုယ်စားလှယ်ထံသို့ငွေကျပ်သိန်း (၄၀၀) အားလည်းကောင်းအသီးသီးလွဲပြောင်း
ပေးအပ်ရာ ကျေးရွာအုပ်စုကိုယ်စားလှယ် များကိုယ်စား ကော့ထင်းကျေးရွာအုပ်စုကိုယ်စားလှယ် ဦးမျိုးမြင့် က ကျေးဇူးတင်စကားပြောကြားခဲ့ကြောင်းသိရသည်။
https://t.me/MyanmarNationalPost
No comments:
Post a Comment