MNP - ဇန်နဝါရီ ၂၆
ရခိုင်ပြည်နယ်၊သံတွဲခရိုင် ၊ပြန်ကြားရေးနှင့်ပြည့်သူ့ဆက်ဆံရေးဦးစီးဌာန၊ လူထုအခြေပြုဗဟိုဌာန (Community Centre) တွင် ဝန်ထမ်းများနှင့်စာဖတ်ဝိုင်းကို ယမန်နေ့မွန်းလွဲ ၁ နာရီက အဆိုပါအဆောက်အဦ အစည်းအဝေးခန်းမ၌ကျင်းပပြုလုပ်ခဲ့သည်။
အခမ်းအနားတွင် ပြန်ကြားရေးနှင့် ပြည့်သူ့ဆက်ဆံရေးဦးစီးဌာန ၊ လက်ထောက်ညွှန်ကြားရေးမှူး ဒေါ်စန္ဒာကြည် က စာဖတ်ဝိုင်းကျင်းပပြုလုပ်ရသည့်ရည်ရွယ်ချက်များကိုရှင်းလင်းပြောကြားခဲ့သည်။ထို့နောက် ပြည်ထောင်စုသမ္မတမြန်မာနိုင်ငံတော် နိုင်ငံ့ဝန်ထမ်းဥပဒေ စာအုပ်ဖြင့် စာဖတ်ဝိုင်းပြုလုပ်ရာ ဦးစီးအရာရှိ ဒေါ်လဲ့လဲ့ဝင်း နှင့်ဝန်ထမ်းများကနိုင်ငံ့ဝန်ထမ်းဥပဒေစာအုပ်ပါအမည်နှင့်အဓိပ္ပာယ်ဖေါ်ပြချက်၊ ဝန်ထမ်းအဖွဲ့ အစည်းများ၊ ရွေးချယ်ခန့်ထားခြင်း၊ တာဝန်နှင့်အခွင့်အရေးများ တို့ကို ခေါင်းစဉ်တစ်ခုခြင်းအလိုက် အသီးသီးကြားဆွေးနွေးခဲ့ကြရာ လက်ထောက်ညွှန်ကြားရေးမှူး ဒေါ်စန္ဒာကြည် က ခေါင်းစဉ်တစ်ခုချင်းအလိုက် အသေးစိတ်ပြန်လည်ဆွေးနွေးခဲ့သည်။
ပြန်ကြားရေးနှင့် ပြည့်သူ့ဆက်ဆံရေးဦးစီးဌာန ၊သံတွဲခရိုင်ရုံးအနေဖြင့် ဝန်ထမ်းများ အသိပညာဗဟုသုတ တိုးပွားလာပြီး တစ်ဦးခြင်းစွမ်းဆောင်ရည်မြင့်မားစေရန်နှင့် အခက်အခဲများကိုဖြေရှင်းပေးနိုင်ရန်အတွက် ၊စာဖတ်ဝိုင်းများ၊ လေ့ကျင့်ပညာပေးခြင်းများနှင့် ဝန်ထမ်းဆန္ဒဖေါ်ထုတ်ပွဲများကို လစဉ်ဆောင်ရွက်ပေးလျက် ရှိပါသည်။
https://t.me/MyanmarNationalPost
No comments:
Post a Comment