MNP - ဇန်နဝါရီ ၂၁
ရခိုင်ပြည်နယ် ၊ မြောက်ဦးခရိုင် ကိုဗစ်-၁၉ ထိန်းချုပ်ရေးနှင့်အရေး ပေါ်တုံ့ပြန်ရေး ကော်မတီဝင် များနှင့် မြို့နယ် ကိုဗစ်-၁၉ ရောဂါကာကွယ်ဆေးထိုးနှံခြင်း၊ ကာကွယ်ဆေးထိုးနှံပြီးစီးမှုအပေါ် VMIS စာရင်းရေးသွင်းရေးအဖွဲ့တို့နှင့်လုပ်ငန်းညှိနှိုင်းအစည်းအဝေးကို ထမ္မရာဇ်ရပ်ကွက် ခရိုင်အ ထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ ယမန်နေ့ကကျင်းပပြုလုပ်ခဲ့ကြောင်း သိရ သည်။
ရှေးဦးစွာ ခရိုင်စီမံအုပ်ချုပ်ရေးအဖွဲ့ ဥက္ကဌ မှ အဖွင့်အမှာစကားပြောကြားရာတွင် မြောက်ဦးခရိုင် အတွင်း ကိုဗစ်-၁၉ရောဂါ ကာကွယ်ထိန်းချုပ်နိုင်ရေးအတွက် ကာကွယ်ဆေးထိုးနှံသည့်အခြေနေ၊ ကာကွယ် ဆေးထိုးနှံ ပြီးစီးမှုအပေါ် VMIS စနစ်ဖြင့်စာရင်းရေးသွင်းနိုင်ရေးနှင့် မထိုးနှံဘဲ ကျန်ရှိနေ သူများကို နွေရာသီကျောင်းမပိတ်ခင် ရာနှုန်း ပြည့်ထိုးနှံနိုင်ရန်၊ ကာကွယ်ဆေး Booster အသစ် ထပ်မံရောက်ရှိလာပြီဖြစ်၍ မြို့နယ်အလိုက် မထိုးနှံဘဲ ကျန်ရှိနေသာ ကျောင်းသား /ကျောင်းသူ များကို ဆက်လက်ထိုးနှံကြရန် စသည့် အကြောင်း အရာများကို ပြောကြားခဲ့သည်။
ပြီးနောက် မြောက်ဦးခရိုင်အတွင်း ရှိ မြို့နယ်အလိုက် တာဝန်ရှိသူတို့မှ ကာကွယ်ဆေးထိုးနှံပြီးစီးမှုအခြေ အနေ ၊ VMIS စနစ်ဖြင့်စာ ရင်းရေးသွင်းပြီးစီးမှုအခြေအနေ နှင့် ကာကွယ်ဆေးထိုးနှံရန် စာသင် ကျောင်းအလိုက် ကျန်ရှိသော ကျောင်းသား/ကျောင်းသူတို့၏ အခြေအနေများကို အကျယ်တဝင့် ရှင်းလင်းပြော ကြားခဲ့သည်။
ဆက်လက်၍ ခရိုင်ကိုဗစ်-၁၉ ထိန်းချုပ်ရေးနှင့်အရေးပေါ်တုံပြန်ရေးကော်မတီဝင်များက ကိုဗစ်-၁၉ ရောဂါကွယ်ထိန်းချုပ်ရေးကိစ္စရပ်များ ကာကွယ်ဆေးထိုးနှံပြီးစီးမှုအပေါ် VMIS စနစ်ဖြင့် ရာနှုန်းပြည့် စာရင်းရေးသွင်းနိုင်ရေးကိစ္စရပ်များကို ဝိုင်းဝန်းဆွေးနွေးကြရာ လိုအပ်သည်များကို ခရိုင်စီမံအုပ်ချုပ်ရေးအဖွဲ့ ဥက္ကဌ မှ ပေါင်းစပ်ညှိနှိုင်းပေးခဲ့ကြောင်း သိရသည်။
မြင်စိုး ၊ စိုးငြိမ်းနိုင်
https://t.me/MyanmarNationalPost
No comments:
Post a Comment