MNP - ဖေဖေါ်ဝါရီ ၁၃
ရခိုင်ပြည်နယ်၊ ရမ်းဗြဲမြို့၌ (၇၆)နှစ်မြောက် ပြည်ထောင်စုနေ့အထိမ်းအမှတ်အဖြစ် ကျင်းပခဲ့သော မြို့နယ်စီမံအုပ်ချုပ်ရေးအဖွဲ့ ဥက္ကဌဖလားအလွတ်တန်းအမျိုးသားဘောလုံးပြိုင်ပွဲကို ၂၀၂၃ ခုနှစ်၊ ဇန်နဝါရီ ၂၈ ရက်နေ့မှစတင်ပြီးကျင်းပခဲ့ရာ ယမန်နေ့ ညနေပိုင်းက နောက်ဆုံးဗိုလ်လုပွဲနှင့်ဆုပေးပွဲအခမ်းအနားကို ရမ္မာဝတီမြို့မအားကစားကွင်း၌ကျင်းပခဲ့ကြသည်။
အဆိုပါဘောလုံးပြိုင်ပွဲတွင် အသင်း(၁၅)သင်း ပါဝင်ယှဉ်ပြိုင်ခဲ့ကြပြီး ရှုံးထွက်စနစ်ဖြင့်ကစားခဲ့ကြရာ နောက်ဆုံးဗိုလ်လုပွဲသို့ လက်ပန်ဘောလုံးအသင်းနှင့်သံချောင်းဘောလုံးအသင်းတို့တက်ရောက်ခဲ့ကြပြီး ဗိုလ်လုပွဲကိုကစားကြရာတစ်ဖက်နှင့်တစ်ဖက်ဂိုးမရှိသရေဖြင့်ပွဲပြီးဆုံးခဲ့သည်၊ ဒိုင်လူကြီးဆုံးဖြတ်ချက်အရ ပင်နယ်တီကန်ကြရာ သံချောင်းဘောလုံးအသင်းမှ ၄ ဂိုး ၃ ဂိုးဖြင့်အနိုင်ဗိုလ်စွဲခဲ့သည်။
ဆက်လက်၍ ဆုပေးပွဲအခမ်းအနားကိုကျင်းပကြရာ ဘောလုံးပွဲဖြစ်မြောက်ရေးအတွက်ပံ့ပိုးကူညီခဲ့ကြသောလုပ်ငန်းရှင်များနှင့်အဖက်ဖက်မှကူညီခဲ့ကြသူများကိုဂုဏ်ပြုမှတ်တမ်းလွှာများချီးမြှင့်ပေးခြင်း၊ ပွဲစဉ်အလိုက်အကောင်းဆုံးကစားသမားဆု၊ နေရာလိုက်အကောင်းဆုံးကစားသမားဆုများ၊ တတိယဆုရရှိသောစစ်ပြားဘောလုံးအသင်း၊ ဒုတိဆုရရှိသော လက်ပန်ဘောလုံးအသင်းသားများကိုဆုများချီးမြှင့်ပေးခြင်းနှင့် ပထမဆုရရှိသော သံချောင်းဘောလုံးအသင်းအား မြို့နယ်စီမံအုပ်ချုပ်ရေးအဖွဲ့ ဥက္ကဌ ဦးခင်မောင်သန်းမှ ဆုဖလားအနှင့်ချန်ပီယံဆုကို ချီးမြှင့်ပေးအပ်ခဲ့ကြောင်းသိရသည်။
အောင်နိုင်
https://t.me/MyanmarNationalPost
No comments:
Post a Comment