MNP - ဖေဖော်ဝါရီ ၁
မန္တလေးတိုင်းဒေသကြီး၊ ပြင်ဦးလွင်မြို့နယ်တွင် ယနေ့တွင် ဘုရားဖူးပြည်သူများ၊ ကျောင်းသား ကျောင်းသူများ၊ ရောင်းဝယ်ဖောက်ကားသူများ၊ စျေးဝယ်သူများဖြင့် စည်ကားလျက်ရှိကြောင်း သိရသည်။
ထိုသို့ စည်ကားလျက်ရှိရာတွင် ပြင်ဦးလွင်မြို့ မဟာအံ့ထူးကံသာဆုတောင်းပြည့်ဘုရားကြီး၊ မြို့မစျေး၊ အမျိုးသားကန်တော်ကြီးဥယျာဉ် စသည့်နေရာများ၊ ဘုရားဖူးများသွားလာလည်ပတ်ရာနေရာများနှင့် မန္တလေး - လားရှိုးလမ်းမကြီး၊ ကုန်သည်လမ်း၊ ဗိုလ်ချုပ်လမ်းစသည်တို့၌ သွားလာသူများဖြင့် စည်ကားများပြားလျက်ရှိကြောင်း သိရသည်။
ပြင်ဦးလွင်မြို့သည် ခရီးသွားမြို့ဖြစ်သည်နှင့်အညီ နေ့စဉ်ဘုရားဖူးပြည်သူများ၊ အနယ်နယ်အရပ်ရပ်မှ အပန်းဖြေလာရောက်လည်ပတ်သူများဖြင့် စည်ကားလျက်ရှိရာ စနေ၊ တနင်္ဂနွေရုံးပိတ်ရက်များနှင့် အခါကြီး၊ ရက်ကြီးများတွင်လည်း လာရောက်လည်ပတ်သူများဖြင့် ပိုမိုစည်ကားကြောင်းနှင့် ယခုလို ချယ်ရီပန်းပွင့်သည့်ရာသီတွင်လည်း ယခင်ကထက် လည်ပတ်အလှဓာတ်ပုံရိုက်ကူးကြသူများပြားပြီး ဒေသထွက်သီးနှံများလည်း ပို မိုရောင်းချရကြောင်း ဒေသခံများအတွက် ပိုမိုအဆင်ပြေကြောင်းဖြင့် စျေးရောင်းချသူများထံမှ သိရသည်။
https://t.me/MyanmarNationalPost
No comments:
Post a Comment