မဘိမ်းမြို့နယ်အတွင်းရှိ လုပ်ငန်းရှင်အစုအဖွဲ့များသို့ နိုင်ငံ့စီးပွားမြှင့်တင်ရေးရန်ပုံငွေမှ ချေးငွေကျပ် ၅၉ ဒသမ ၃ သန်း ထောက်ပံ့ပေးအပ်

MNP   -     ဖေဖော်ဝါရီ ၁၄

ရှမ်းပြည်နယ်(မြောက်ပိုင်း)၊ မိုးမိတ်ခရိုင်၊ မဘိမ်းမြို့နယ်တွင် မြို့နယ်အတွင်းရှိ လုပ်ငန်းရှင်အစုအဖွဲ့များသို့ နိုင်ငံ့စီးပွားမြှင့်တင်ရေးရန်ပုံငွေများ ပေးအပ်ပွဲအခမ်းအနားကို ယမန်နေ့ညနေ ၃ နာရီအချိန်က မြို့နယ်အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမ၌ ကျင်းပပြုလုပ်ခဲ့ကြောင်း သိရှိရသည်။

အခမ်းအနားတွင် မြို့နယ်နိုင်ငံ့စီးပွားမြှင့်တင်ရေးရန်ပုံငွေ စီမံကိန်းကြီးကြပ်မှုကော်မတီဥက္ကဋ္ဌ၊ မြို့နယ်အုပ်ချုပ်ရေးမှူး ဦးဟိန်းသူဝင်းက နိုင်ငံ့စီပွားမြှင့်တင်ရေးရန်ပုံငွေများပေးအပ်ရခြင်း နှင့်ပတ်သက်၍ ရှင်းလင်းပြောကြားခဲ့ပြီး မြို့နယ်စိုက်ပျိုးရေးဦးစီးဌာနမှ မြို့နယ်ဦးစီးမှူး ဦးဌေးဝင်းက နိုင်ငံ့စီးပွားမြှင့်တင်ရေးရန်ပုံငွေမှ စိုက်ပျိုးရေးလုပ်ငန်းများအတွက် ချေးငွေများထောက်ပံ့ပေးအပ်ရခြင်းနှင့်ပတ်သက်၍ ရှင်းလင်းပြောကြားခဲ့သည်။

ယင်းနောက် မြို့နယ်နိုင်ငံ့စီးပွားမြှင့်တင်ရေး ရန်ပုံငွေစီမံကိန်းကြီးကြပ်မှုကော်မတီဥက္ကဋ္ဌ၊ မြို့နယ်အုပ်ချုပ်ရေးမှူး ဦးဟိန်းသူဝင်းနှင့်အဖွဲ့ဝင်များ၊ မြို့နယ်အဆင့်ဌာနဆိုင်ရာတာဝန်ရှိသူများက မြို့နယ်အတွင်းရှိ မြို့နယ်နိုင်ငံ့စီးပွားမြှင့်တင်ရေးရန်ပုံငွေဖြင့် ဆောင်ရွက်မည့် လှဧကရီမျိုးစေ့ထုတ် လုပ်ဖြန့်ဖြူးရောင်းချရေးသမအသင်းသို့ စပါးမျိုးစေ့ထုတ်လုပ်ခြင်းလုပ်ငန်းအတွက် ချေးငွေ ၂၇ ဒသ မ ၉ သန်း၊ ရွှေနေကြာလုပ်ငန်းအစုအဖွဲ့သို့ နေကြာစိုက်ပျိုးရေးလုပ်ငန်းအတွက် ချေးငွေ ၁၂ ဒသမ ၆ သန်း၊ ကျောက်စိမ်းလုပ်ငန်းအစုအဖွဲ့သို့ ပဲတီစိမ်းစိုက်ပျိုးရေးလုပ်ငန်းအတွက် ချေးငွေ ၄ ဒသမ ၈ သန်းနှင့် တိုးတက်အောင်ဝက်မွေးမြူရေးအစုအဖွဲ့သို့ ဝက်မွေးမြူရေးလုပ်ငန်းအတွက် ချေးငွေ ၁၄ သန်း၊ စုစုပေါင်းချေးငွေ ၅၉ ဒသမ ၃ သန်းကို မြို့နယ်အတွင်းရှိ လုပ်ငန်းရှင်အစုအဖွဲ့များထံသို့ ချေး ငွေများထောက်ပံ့ပေးအပ်ခဲ့ကြောင်း သိရသည်။

မျိုးမင်း 

 https://t.me/MyanmarNationalPost