MNP - ဖေဖော်ဝါရီ ၁၃
ကချင်ပြည်နယ်၊ မိုးညှင်းခရိုင်၊ ဟိုပင်မြို့ ပြန်ကြားရေးနှင့်ပြည်သူ့ဆက်ဆံရေးဦးစီးဌာန (Community Center) ခန်းမ၌ (၇၆)နှစ်မြောက် ပြည်ထောင်စုနေ့အထိမ်းအမှတ်အဖြစ် မူလတန်းအဆင့် ဆေးရောင်ခြယ်ပြိုင်ပွဲနှင့် စက္ကူခေါက်ပြိုင်ပွဲများကို ဖေဖော်ဝါရီလ (၁၁) ရက် နံနက် (၁၀) နာရီက ဆောင်ရွက်ခဲ့ ကြသည်။
ထိုသို့ ပြိုင်ပွဲများကို ၂၀၂၃-ခုနှစ်၊ ဖေဖော်ဝါရီ (၁၂) ရက်တွင်ကျရောက်မည့် (၇၆) မြောက် ပြည်ထောင်စုနေ့ကို ကြိုဆိုဂုဏ်ပြုသောအားဖြင့် ပြည်ထောင်စုတိုင်းရင်းသား အချင်းချင်း ချစ်ခင်စည်းလုံးညီညွှတ်စေရန်၊ အသိပညာဗဟုသုတများတိုးပွါးစေရန်၊ အရောင်များကိုရွေးချယ် တတ်စေရန် ရည်ရွယ်၍ ဆေးရောင်ခြယ်ပြိုင်ပွဲ၊ စက္ကူခေါက်ပြိုင်ပွဲနှင့် မူးယစ်ဆေးဝါးအသိပညာပေး ရွှေနဒီနံရံကပ်စာစောင်ပြပွဲများကို ကျင်းပဆောင်ရွက်ခဲ့ပါသည်။
အဆိုပါပြိုင်ပွဲတွင် အခြေခံပညာမူလတန်းအဆင့် ကျောင်းသား/ကျောင်းသူ (၁၆) ဦးတို့က ပါဝင်ယှဉ် ပြိုင်ခဲ့ပြီး ဆုရရှိသောကလေးများအား စာပေချစ်မြတ်နိုးသူအသင်းဝင်များက ဆုများပေးအပ်ချီးမြှင့်ခဲ့ကြောင်း သိရသည်။
လင်းသွယ်သွယ်ဦး
https://t.me/MyanmarNationalPost
No comments:
Post a Comment