MNP - ဖေဖော်ဝါရီ ၁၇
မန္တလေးတိုင်းဒေသကြီး၊ စဉ့်ကူးမြို့နယ်တွင် ဗုဒ္ဓဘာသာကလျာဏယုဝအသင်း(YMBA)မှ ဟောပြောပွဲ အခမ်းအနားကို စဉ့်ကူးမြို့ အမှတ်(၂)ရပ်ကွက်ရှိ အခြေခံပညာအထက်တန်းကျောင်းတွင် ယမန်နေ့နေ့လယ်ပိုင်းက ကျင်းပပြုလုပ်သည်။
အဆိုပါ ဟောပြောပွဲတွင် စဉ့်ကူးမြို့နယ် (YMBA)အသင်း ဥက္ကဌ ဦးခင်မောင်ထူး က အဖွင့်အမှာစကားပြောကြားပြီး မြို့နယ်(YMBA)အသင်း အလုပ်အမှုဆောင်အဖွဲ့ အဖွဲ့ဝင် ဦးလှသောင်း က ကျောင်းသားကျောင်းသူလေးများအား ယဉ်ကျေးလိမ္မာစေရန်နှင့် အသိပညာကြွယ်ဝစေရန် ရည်ရွယ်၍ ``မင်္ဂလာအကြောင်းသိကောင်းစရာ´´ ခေါင်းစဉ်ဖြင့် ဟောပြောခဲ့သည်။
အဆိုပါ အခမ်းအနားသို့ စဉ့်ကူးမြို့နယ် (YMBA)အသင်း ဥက္ကဌနှင့် အဖွဲ့ဝင်များ၊ ရပ်ကွက်အုပ်ချုပ်ရေးမှူးများ၊ အထက(စဉ့်ကူး)မှ ကျောင်းအုပ်ဆရာမကြီးနှင့် ဆရာဆရာမများ၊ ရွှေကူကြီး တွဲဘက် အလယ်တန်းကျောင်းမှ ဆရာ ဆရာမများနှင့် ကျောင်းသားကျောင်းသူများ တက်ရောက်ခဲ့ကြကြောင်း သိရသည်။
တင်ဇာလွင်
https://t.me/MyanmarNationalPost
No comments:
Post a Comment