Zelensky နှင့် တွေ့ဆုံရန် ရည်ရွယ်ချက်ဖြင့် ကိယက်ဗ်မြို့သို့ အစ္စရေး နိုင်ငံခြားရေးဝန်ကြီး ရောက်ရှိ

တဲလ်အဗစ်၊ ဖေဖော်ဝါရီ ၁၆

အစ္စရေး နိုင်ငံခြားရေးဝန်ကြီး Eli Cohen သည် ကြာသပတေးနေ့ နံနက်တွင် Kiev သို့ ရောက်ရှိခဲ့ပြီး ယူကရိန်းသမ္မတ ဗလာဒီမာ ဇယ်လင်စကီးနှင့် ယူကရိန်း နိုင်ငံခြားရေးယန်ကြီး Dmitry Kuleba တို့နှင့် တွေ့ဆုံရန် စီစဉ်ထားသည်။

“စစ်ပွဲစတင်ကတည်းက အစ္စရေးဝန်ကြီးတစ်ဦးရဲ့ ယူကရိန်းနိုင်ငံကို ပထမဆုံးအလည်အပတ်ခရီးအဖြစ် ကိယက်ဗ်မြို့ကို အခု ကျွန်တော်ရောက်ရှိနေပါပြီ။ သမ္မတ Zelensky နဲ့ နိုင်ငံခြားရေးဝန်ကြီး Kuleba တို့နဲ့ တွေ့ဆုံမှာဖြစ်ပြီး ပုံမှန်ပြန်စမယ့် ကိယက်ဗ်ရှိ အစ္စရေးသံရုံးကို ပြန်လည်ဖွင့်လှစ်သွားမှာ ဖြစ်ပါတယ်။ လှုပ်ရှားမှုတွေလုပ်ပြီး Bucha နဲ့ Babi Yar ကိုသွားလည်မယ်" လို့ Cohen က သူ့ရဲ့ Twitter စာမျက်နှာမှာ ရေးသားခဲ့သည်။

“သူတို့အတွက် အခုလို ခက်ခဲတဲ့အချိန်မျိုးမှာ အစ္စရေးက ယူကရိန်းနဲ့ ယူကရိန်းပြည်သူတွေကို ထောက်ပံ့ပေးကြောင်း အစ္စရေးက ထုတ်ဖော်ပြောဆိုလာခဲ့ပါတယ်” ဟု ၎င်းက ပြောကြားခဲ့သည်။

ဝန်ကြီးက Kiev ရှိ ရထားဘူတာမှ ဓာတ်ပုံကိုလည်း တင်ခဲ့သည်။ Jerusalem Post ၏ဖော်ပြချက်အရ Cohen သည် ပိုလန်နိုင်ငံသို့ ညတွင်းချင်းပျံသန်းခဲ့ပြီး ယူကရိန်းမြို့တော်သို့ ရထားဖြင့်သွားခဲ့သည်။ ဇန်နဝါရီလတွင် အစ္စရေးဝန်ကြီးက ယူကရိန်းနိုင်ငံသို့ သွားရောက်ရန် စီစဉ်ထားကြောင်း ကြေညာခဲ့ပြီး စစ်ပွဲများစတင်ဖြစ်ပွားချိန် ပထမဆုံးရောက်ရှိလာသည့် အစ္စရေးဝန်ကြီး ဖြစ်လာသော်လည်း တိကျသည့်ရက်စွဲကို ထုတ်ဖော်ပြောကြားခြင်းမရှိပေ။

Ref - Tass

#MyanmarNationalPost