MNP - မတ် ၄
ပဲခူးတိုင်းဒေသကြီး၊ တောင်ငူခရိုင်၊ ရေတာရှည်မြို့နယ် ကျေးလက်ဒေသ ဖွံ့ဖြိုးတိုးတက်ရေးဦးစီးဌာနမှ မတ်လ ၃ ရက်နေ့တွင် မြို့နယ်အတွင်းရှိ ကျောက်ချောင်းကျေးရွာနှင့်ဘိုးကြာညိုကျေးရွာများသို့ ကွင်းဆင်း၍ ၂၀၂၂-၂၀၂၃ ဘဏ္ဍာရေးနှစ် မြစိမ်းရောင် စီမံကိန်းအတိုးရငွေဖြင့် အကောင်အထည်ဖော်ဆောင်ရွက်နေသည့် လုပ်ငန်း များအား စစ်ဆေးခြင်း၊ ကျေးရွာကော်မတီဝင်များဖြင့် တွေ့ဆုံဆွေးနွေးခြင်းများ ကွင်းဆင်း ဆောင်ရွက်ခဲ့သည်။
ထိုသို့ကွင်းဆင်းစစ်ဆေးဆောင်ရွက်ရာတွင် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ခေတ္တမြို့နယ် ဦးစီးမှူး ဦးကျော့မောင်မောင် ဦးဆောင်သော ဝန်ထမ်းအဖွဲ့သည် ကျောက်ချောင်းကျေးရွာ၌ မြစိမ်းရောင်အတိုးရငွေကျပ်သိန်း ၉၀ ဖြင့် အကောင်အထည်ဖော် ဆောင်ရွက်နေသည့် ၂၇၀၀ ပေ × ၁၂ ပေ × ၆ လက္မရှိ ကျေးရွာတွင်းလမ်း ကျောက်ရော မြေခင်းခြင်း လုပ်ငန်းကိုလည်းကောင်း ဘိုးကြာညိုကျေးရွာ၌ မြစိမ်းရောင် အတိုးရငွေ ကျပ် သိန်း ၁၂၀ မှ ကျပ် ၈၇ သိန်း ၅ သောင်းဖြင့် အကောင်အထည်ဖော် ဆောင်ရွက်နေသည့် ၂၇၀၀ပေ × ၁၂ ပေ× ၆ လက္မရှိ ကျေးရွာတွင်းလမ်း ကျောက်ရောမြေခင်းခြင်း၊ ကျပ် ၈ သိန်း ဖြင့် ၁.၅ ပေ × ၂၀ ပေ ရှိသည့် ရေပြွန် ဆောင်ရွက်မှုနှင့် ကျပ် ၂၄ သိန်း ၅ သောင်းဖြင့် ၄ ပေ ၆ လက္မ × ၂၀ ပေ × ၃ ပေ ၈ လက္မရှိ တံတားတစ်စင်း ဆောင်ရွက်မှု လုပ်ငန်းများကိုလည်းကောင်း သတ်မှတ်စံချိန်စံညွှန်း၊ အတိုင်းအတာပြည့်မီခြင်း ရှိ/မရှိ ကွင်းဆင်းကြည့်ရှု စစ်ဆေးခဲ့ပြီး ကော်မတီဝင်များနှင့် တွေ့ဆုံဆွေးနွေးခဲ့ကြောင်း သိရသည်။
https://t.me/MyanmarNationalPost
No comments:
Post a Comment