MNP ၊ မတ် ၂၁
ရခိုင်ပြည်နယ် စစ်တွေခရိုင် ပေါက်တောမြို့တွင် အားကစားနှင့်ကာယပညာဦးစီးဌာနမှ ကြီးမှူး၍နွေရာသီ လူငယ်များ ကရာတေးပညာအရည်အသွေး တိုးတက်လာပြီး တွေ့ကြုံလာရမည့် အန္တရာယ်များကို ကာကွယ်နိုင်စေရေးအတွက် ကရာတေးသင်တန်းကို မတ်၂၁ ရက် ညနေပိုင်းက ပေါက်တောမြို့ အားကစားခန်းမတွင် ဖွင့်လှစ်သည်။
သင်တန်းကို ပေါက်တောမြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးကျန်အေး က အမှာစကားပြောကြား၍ ဖွင့်လှစ်ပေးပြီး သင်တန်းကို စတင်သည်။
အဆိုပါသင်တန်းတွင် သင်တန်းနည်းပြဆရာအဖြစ် HIKARI ကရာတေးအဖွဲ့ မှ ဆရာ ၃ ဦးက သင်ကြားပေးလျက်ရှိပြီး သင်တန်းသား သင်တန်းသူ ၅၀ ဦး တက်ရောက်ကာ သင်တန်းကို မတ် ၂၁ မှ ဧပြီ ၅ ရက်အထိ ဖွင့်လှစ်သင်ကြားပေးသွားမည်ဖြစ်ကြောင်းသိရသည်။
ဆက်လက်ပြီး ဘောလုံး၊ပိုက်ကျော်ခြင်း၊ပြေးခုန်ပစ် နှင့် ကြက်တောင်ရိုက်စသည့် အားကစားနည်းများကိုလည်းဆက်လက်ဖွင့်လှစ်သွားမည်ဖြစ်ကြောင်း အားကစားနှင့်ကာယပညာဦးစီးဌာနမှ မြို့နယ်ဦးစီးမှူး ဦးမြမင်းထွန်း ကပြောကြားသည်။
https://t.me/MyanmarNationalPost
No comments:
Post a Comment