MNP ၊ မတ် ၈
ရခိုင်ပြည်နယ် ၊ တောင်ကုတ်ခရိုင် ၊ တောင်ကုတ်မြို့တွင် ကုန်းလမ်းပို့ဆောင်ရေးညွှန်ကြားမှုဦးစီးဌာန ၊ ရခိုင်ပြည်နယ်ရုံး ၊ နယ်လှည့်စစ်ဆေးရေးအဖွဲ့ မှ မြို့နယ်အတွင်းရှိ တရားမဝင်မော်တော်ဆိုင်ကယ်များအား ဒေသအမှတ် နံပါတ်မှတ်ပုံတင်ပေးခြင်း၊ မော်တော်ယာဉ်များ ၊ သုံးဘီးဆိုင်ကယ်များနှင့်ယာဉ်မောင်းလိုင်စင် ဆိုင်ရာ မှတ်ပုံတင်ပေးခြင်းကို ယနေ့နံနက်(၉)နာရီအချိန်မှစ၍ မြို့မအားကစားကွင်းအတွင်း၌ ဆောင်ရွက်ခဲ့ ကြောင်းသိရသည်။
ထိုသို့ဆောင်ရွက်ပေးရာတွင် ဒေသအမှတ် မှတ်ပုံတင်ဆိုင်ကယ်စီးရေ (၃၀)စီး ၊ မော်တော်ယာဉ် သက်တမ်းတိုး(၂)စီး ၊ သုံးဘီးဆိုင်ကယ်သက်တမ်းတိုး(၂၉)စီး ၊ မော်တော်ဆိုင်ကယ်သက်တမ်းတိုး(၂၃)စီး ၊ ယာဉ်မောင်းလိုင်စင် သက်တမ်းတိုး(၅၃)ဦး ၊ အမောင်းသင်လိုင်စင်အသစ်(၅၂)တို့အား မှတ်ပုံတင်ခြင်းလုပ်ငန်း များဆောင်ရွက်နိုင်ခဲ့ကြောင်းသိရသည်။
အဆိုပါအဖွဲ့သည် တောင်ကုတ်မြို့နယ်အတွင်းရှိ ယာဉ်များနှင့်ယာဉ်မောင်းလိုင်စင်ဆိုင်ရာ မှတ်ပုံတင် ခြင်းလုပ်ငန်းများကို မြို့မအားကစားကွင်းအတွင်း၌ မတ်လ(၁၀)ရက်နေ့အထိ ဆောင်ရွက်ပေးသွားမည်ဖြစ် ကြောင်းသိရသည်။
https://t.me/MyanmarNationalPost
No comments:
Post a Comment