MNP ၊ မတ် ၁၃
သထုံခရိုင်၊ ဘီးလင်းနယ်မြို့တွင် ၂၀၂၂ -၂၀၂၃ ပညာသင်နှစ်၊ တက္ကသိုလ်ဝင်စာမေးပွဲ စတုတ္ထနေ့၊ ဓာတုဗေဒ ဘာသာရပ်ကို ယနေ့ နံနက်ပိုင်းက ကျောင်းသား၊ကျောင်းသူများ အေးချမ်းစွာဖြေဆိုလျက်ရှိကြောင်း သိရသည်။
ဘီးလင်းမြို့နယ်တွင် စာစစ်ဌာန(၂)ခု၌ စာရင်းတင်သွင်းထားသူ (၃၃၄)ဦး ရှိပြီး ဝင်ရောက်ဖြေဆိုသူ ကျောင်းသား (၉၉) ဦး ၊ကျောင်းသူ (၂၁၅)ဦး၊ စုစုပေါင်း (၃၁၄)ဦး နှင့် ဖြေဆိုရန်ပျက်ကွက်သူ ၊ကျား(၇) ဦး ၊ မ (၁၃) ဦး စုစုပေါင်း (၂၀)ဦးဖြစ်ရာ ဖြေဆိုမှုရာခိုင်နှုန်း ၉၄.၀၁ % ရှိကြောင်းသိရသည်။
တက္ကသိုလ်ဝင်စာမေးပွဲဖြေဆိုစဥ် ကာလအတွင်း ကျောင်းသား၊ ကျောင်းသူများ လုံခြုံအေး ချမ်းစွာဖြေဆို နိုင်ရေး ၊ကျန်းမာရေး စောင့်ရှောက်ပေးနိုင်ရေးတို့အတွက် ဘီးလင်းမြို့နယ် စီမံအုပ်ချုပ်ရေး အဖွဲ့မှ စီစဉ်ဆောင်ရွက်ပေးလျက်ရှိကြောင်း သိရသည်။
ထူးနောင်
https://t.me/MyanmarNationalPost
No comments:
Post a Comment