MNP ၊ မတ် ၂၄
မွန်ပြည်နယ် ၊ ပေါင်မြို့နယ်၌ ၂၀၂၂-၂၀၂၃ ပညာသင်နှစ် အခြေခံပညာအလယ်တန်းအဆင့် ဘာသာရပ်စွမ်းရည်မြှင့် ဆွေးနွေးပွဲအခမ်းအနားကို ယနေ့ညနေပိုင်းက ပေါင်မြို့နယ် အခြေခံ ပညာ အထက်တန်း ကျောင်း၌ နောက်ဆုံးနေ့ပို့ချလျက်ရှိကြောင်းသိရသည်။
ထိုသင်တန်းသို့ ပေါင်မြို့နယ်မှ အလယ်တန်းအဆင့် ဆရာ၊ဆရာမ(၄၄၀)ဦးတက်ရောက်ပြီး သင်တန်းနည်းပြ(၁၄)ဦးမှ သက်ဆိုင်ရာဘာသာရပ်အလိုက်(၄)ရက်ကြာသင်ကြားဆွေးနွေးခဲ့ကြောင်းမြို့နယ်ပညာရေးမှူးရုံးမှသိရသည်။
ပေါင်မြို့နယ် ပညာရေးမှုးရုံးအနေဖြင့် ယခုလိုစွမ်းရည်မြှင့် ဆွေးနွေးပွဲ ပြုလုပ်ရခြင်းဖြင့် ဆရာ/ဆရာမများ အရည်အချင်း ပိုမိုပြည့်ဝပြီး ထူးချွန်ထက်မြက်သည့် ကျောင်းသား/ကျောင်းသူများ ဖြစ်ပေါ်လာစေရန်ရည်ရွယ်၍ သင်တန်းများ၊ဆွေးနွေးပွဲကိုအခါအားလျော်စွာဖွင့်လှစ်သင်ကြားပြသလျက်ရှိကြောင်းသိရသည်။
https://t.me/MyanmarNationalPost
No comments:
Post a Comment