MNP ၊ မတ် ၁၇
ရန်ကုန်တိုင်းဒေသကြီး စာကြည့်တိုက်များ ကြီးကြပ်ရေးကော်မတီမှလှူဒါန်းသည့် စာအုပ်စာစောင်များကို ရန်ကုန်တိုင်းဒေသကြီး၊ ထန်းတပင်မြို့နယ်အတွင်းရှိ ရပ်ကွက်/ ကျေးရွာစာ ကြည့်တိုက်နှစ်တိုက်တို့အား ပြန်လည်ပေးအပ်လှူဒါန်းပေးခြင်းကို ယနေ့၊ မွန်းလွဲပိုင်းက မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန လူထုအခြေပြုဗဟိုဌာန (Community Centre) ခန်းမ၌ကျင်းပပြုလုပ်ခဲ့ကြောင်း သိရသည်။
ရှေးဦးစွာ စာအုပ်စာစောင်များပေးအပ်လှူဒါန်းပွဲတွင် မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန ဦးစီးအရာရှိ ဒေါ်လဲ့လဲ့အေးက စာအုပ်စာစောင်များလှူဒါန်းရခြင်းနှင့်ပတ်သက်၍ ရှင်းလင်းပြောကြားခဲ့ပြီး လှူဒါန်းပွဲသို့တက်ရောက်လာကြသည့် မြို့နယ်စာကြည့်တိုက်များ ကြီးကြပ်ရေးကော်မတီမှတာဝန်ရှိသူများနှင့် စာကြည့်တိုက်နှစ်တိုက်တို့မှ စာကြည့်တိုက်မှူးများက စာကြည့်တိုက်များဖွံ့ဖြိုးတိုးတက်ရေးအတွက် ဆက်လက်လုပ်ဆောင်သွားမည့်လုပ်ငန်းများနှင့်ပတ်သက်၍ ဆွေးနွေးခဲ့ကြကြောင်း သိရသည်။
ထို့နောက် ရန်ကုန်တိုင်းဒေသကြီးစာကြည့်တိုက်များ ကြီးကြပ်ရေးကော်မတီမှလှူဒါန်းထားသည့် စာအုပ်စာစောင်များကို မြို့နယ်စာကြည့်တိုက်များကြီးကြပ်ရေးကော်မတီဥက္ကဋ္ဌ ဒေါ်ခင်ငြိမ်းငြိမ်းနှင့် မြို့နယ်စာကြည့်တိုက်များကြီးကြပ်ရေးကော်မတီ၊ ကော်မတီအဖွဲ့ဝင် ဒုတိယမြို့နယ်အုပ်ချုပ်ရေးမှူး ဦးရဲလင်းနိုင်တို့က အမှတ်(၄)ရပ်ကွက်၊ လင်းလက်ကြယ် စာကြည့်တိုက်နှင့်အေးရွာလေးကျေးရွာပညာ့လင်းရောင် စာကြည့်တိုက်တို့မှစာကြည့်တိုက်မှူးများထံသို့ ပြန်လည်၍ ပေးအပ်လှူဒါန်းပေးခဲ့ကြကြောင်း သိရသည်။
ဇင်မင်းထိုက်
https://t.me/MyanmarNationalPost
No comments:
Post a Comment