MNP ၊ မတ် ၈
စစ်ကိုင်းတိုင်းဒေသကြီး၊ ဟုမ္မလင်းမြို့နယ်၊ နောင်ပိုအောင်ကျေးရွာအနီးရှိ တရားမဝင် ရွှေမျှောဖောင်များအား ယမန်နေ့ နံနက်ပိုင်းက သိမ်းဆည်းရမိခဲ့ကြောင်း သိရသည်။
ဟုမ္မလင်းမြို့နယ်၊ နောင်ပိုအောင်ကျေးရွာအနီးတွင် နယ်မြေဒေသတည်ငြိမ်အေးချမ်းရေးနှင့် တရားမဝင် ရွှေမျှောဖောင်များ မရှိစေရေးအတွက် စိစစ်ဆောင်ရွက်ခဲ့ရာ ၎င်းကျေးရွာအနီးတွင် တရားမဝင်ရွှေမျှော ၅၀ ဖောင်နှင့် HITACHI အမျိုးအစား ဘက်ဟိုးယာဉ် ၁ စီးတို့အား သိမ်းဆည်းရမိခဲ့ပြီး အမှုဖွင့်လှစ်နိုင်ရေးဆောင်ရွက်လျက်ရှိကြောင်း သိရသည်။
စစ်ကိုင်းတိုင်းဒေသကြီး ကျွန်းလှမြို့နယ်၊ သဖမ်းဆိပ်ဆည်အတွင်းတွင် တရားမဝင်ရွှေမျောများ လုပ်ကိုင်လျက်ရှိပြီး KIA/PDF အကြမ်းဖက်အဖွဲ့များက ဆက်ကြေးကောက်ရယူနေသဖြင့် ဥပဒေနှင့်အညီ ဆောင်ရွက်ပေးရန် ဒေသခံများက မြန်မာနေရှင်နယ်ပို့စ်သို့ ဆက်သွယ်ပြောဆိုထားသည်။
တရားမဝင် ရွှေမျောများကြောင့် သဖမ်းဆိပ်ဆည်ကြီးမှာလည်း ပျက်စီးယိုယွင်းလာပြီး KIA/ PDF အကြမ်းဖက်သမားများက ဆည်မြောင်းရုံးမှ ကားများကို ဓားပြတိုက် ရယူသွားသည့် ဖြစ်စဉ်လည်း ဖြစ်ပေါ်ခဲ့ဖူးသည်။
#MyanmarNationalPost
No comments:
Post a Comment