MNP ၊ မတ် ၉
ရှမ်းပြည်နယ်(မြောက်ပိုင်း)၊ လားရှိုးမြို့ အမှတ်(၁)နှင့် အမှတ်(၆) အခြေခံပညာအထက်တန်းကျောင်း စာစစ်ဌာနများတွင် ၂၀၂၂-၂၃ ပညာသင်နှစ် တက္ကသိုလ်ဝင်တန်းစာမေးပွဲဖြေဆိုလျက်ရှိသော ကျောင်းသား/သူများ အေးချမ်းစွာဖြေဆိုနိုင်ရေးအတွက် ပြည်နယ်အစိုးရအုပ်ချုပ်ရေးအဖွဲ့ခွဲ (ရှမ်းမြောက်)ဥက္ကဋ္ဌ ဦးမျိုးကျော်နှင့် ဌာနဆိုင်ရာတာဝန်ရှိသူများ သွားရောက်ကြည့်ရှုအားပေးခဲ့သည်။
ထိုသို့ သွားရောက်ကြည့်ရှုအားပေးရာတွင် စာစစ်ဌာနများတွင်တာဝန်ထမ်းဆောင်မည့် ကြီးကြပ်ရေးမှူးများ၊ သက်ဆိုင်ရာတာဝန်ရှိသူများနှင့်တွေ့ဆုံ၍ တက္ကသိုလ်ဝင်တန်းစာမေးပွဲအေးချမ်းစွာ ဖြေဆိုနိုင်ရေး သက်ဆိုင်ရာဌာနဆိုင်ရာများနှင့် ပူးပေါင်းဆောင်ရွက်ထားမှုများ၊ မေးခွန်းနှင့်အဖြေလွှာများ လုံခြုံရေးဆောင်ရွက်ထားမှုများ၊ ကျန်းမာရေးစောင့်ရှောက်မှုဆောင်ရွက်ထားရှိမှုများကို ကြည့်ရှုစစ်ဆေးခဲ့ပြီး တင်ပြချက်များအပေါ် လိုအပ်သည်များကို ပေါင်းစပ်ညှိနှိုင်းဆောင်ရွက်ပေးခဲ့သည်။
လားရှိုးမြို့တွင် စာစစ်ဌာန(၂)ခုရှိပြီး ၂၀၂၂-၂၃ ပညာသင်နှစ် တက္ကသိုလ်ဝင်တန်းဝင်ရောက်ဖြေဆိုသူ စုစုပေါင်း(၉၃၃)ဦးရှိကြောင်း သိရသည်။
https://t.me/MyanmarNationalPost
No comments:
Post a Comment