MNP ၊ မတ် ၁၆
မွန်ပြည်နယ်၊ သထုံမြို့နယ်တွင် ငလျင်ဘေးအန္တရာယ် ဖြစ်ပွားလာပါက ကြိုတင်ကာကွယ်နိုင်ရေးအတွက် ပညာပေးဟောပြောခြင်း ဇတ်တိုက်လေ့ကျင့်ခြင်းအား မြို့နယ်သဘာဝဘေးစီမံခန့်ခွဲမှုအဖွဲ့ဝင်များ တာဝန်ရှိသူများပူးပေါင်းကာ ယမန်နေ့ နံနက်က မြို့နယ်အထွေထွေ အုပ်ချုပ်ရေးဦးစီးဌာန စုပေါင်းရုံးခန်းမ၌ ပြုလုပ်ခဲ့ကြသည်။
အခမ်းအနားတွင် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာနမှ ဝန်ထမ်းများက ငလျင်ဘေးအန္တရာယ်ဖြစ်ပွားပါက သတိပြုရမည့်အချက်များတို့ကို ဆွေးနွေးဟောပြောသည်။
ယင်းနောက် မြို့နယ်သဘာဝဘေး စီမံခန့်ခွဲမှုအဖွဲ့ဝင်များ၊ ဌာနဆိုင်ရာများ၊ မီးသတ်တပ်ဖွဲ့ဝင်များ၊ ကြက်ခြေနီ တပ်ဖွဲ့များ၊ ရပ်ကွက်/ကျေးရွာအုပ်ချုပ်ရေးအဖွဲ့များ၊ လူမှုကယ်ဆယ်ရေးအဖွဲ့များပူးပေါင်းကာအင်အား (၁၅၀)ဦးခန့်တို့က ငလျင်ဘေးဖြစ်ပွားပါက စနစ်တကျ ဆောင်ရွက်ရမည့်အချက်များ၊ ဖြစ်ပွားနေစဉ် ဘေးအန္တရာယ်ကင်းရှင်းရေးအတွက် လိုက်နာဆောင်ရွက်ရမည့် အချက်များ၊ ဦးစားပေး ရှာဖွေကယ်ဆယ်ရေးဆောင်ရွက်ရမည့်အုပ်စုများ စသည့် ငလျင်ဘေးအန္တရာယ်ကြိုတင်ကာကွယ်ရေး သဏ္ဍန်တူ ဇာတ်တိုက်လေ့ကျင့်ခြင်းအား ကျင်းပပြုလုပ်ခဲ့ကြောင်း သိရသည်။
https://t.me/MyanmarNationalPost
No comments:
Post a Comment