တောင်ကုတ်မြို့၌ လူငယ်ရေးရာအသိပညာပေးဟောပြောပွဲနှင့်နံရံကပ်စာစောင်ပြပွဲကျင်းပ

MNP ၊ မတ် ၂၄

ပြန်ကြားရေးနှင့်ပြည်သူ့ဆက်ဆံရေးဦးစီးဌာန ၊ တောင်ကုတ်မြို့နယ်ရုံးမှ ကြီးမှူး၍ လူငယ်များ အသိပညာမြင့်မားရေးအတွက် လူငယ်ရေးရာအသိပညာပေးဟောပြောပွဲနှင့်နံရံကပ်စာစောင်ပြပွဲကို ယမန်နေ့ မွန်းလွဲပိုင်းက NOBLE International Pre – School & Learning Centre တွင်ကျင်းပခဲ့ကြောင်းသိရသည်။

အခမ်းအနားတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန ၊ မြို့နယ်ဦးစီးမှူး ဦးမြင့်ရွှေ က လူငယ်များအသိပညာမြင့်မားရေးအတွက် လူငယ်နှင့်အနာဂတ် ခေါင်းစဉ်ဖြင့်ဟောပြောပြီးနောက် ကျောင်းသူ ၊ ကျောင်းသားများက ပြသထားသော နံရံကပ်စာ‌စောင်များကို စိတ်ဝင်စားစွာကြည့်ရှုကြသည်။

အဆိုပါနံရံကပ်စာစောင်တွင် (၇၅)နှစ်မြောက် မြန်မာ-ရုရှားသံတမန်ဆက်ဆံရေးနှင့်နှစ်နိုင်ငံအကြီး အကဲများတွေ့ဆုံမှုမှတ်တမ်းဓာတ်ပုံများ ၊ မူးယစ်ဆေးဝါးအန္တရာယ်အကြောင်းသိကောင်းစရာများနှင့် လူကုန် ကူးမှုအကြောင်းသိကောင်းစရာမှတ်တမ်းဓာတ်ပုံများ ကိုပြသထားရှိကြောင်းသိရသည်။

 https://t.me/MyanmarNationalPost